News18 Tamil ·
திருப்பூரில் விநாயகர் சதுர்த்தி ஊர்வலம்: காவல்துறை பதிலளிக்க ஐகோர்ட் உத்தரவு
விநாயகர் சதுர்த்தி ஊர்வல அனுமதி மனு: திருப்பூர் மாவட்ட காவல்துறை பதிலளிக்க சென்னை உயர்நீதிமன்றம் உத்தரவு. விசாரணை செப். 9-க்கு ஒத்திவைப்பு.
திருப்பூரில் விநாயகர் சதுர்த்தி ஊர்வலத்துக்கு அனுமதி கோரிய மனுவுக்கு பதிலளிக்கும்படி, மாவட்ட காவல் துறைக்கு சென்னை உயர்நீதிமன்றம் உத்தரவிட்டுள்ளது.
விநாயகர் சதுர்த்தி விழாவை முன்னிட்டு, செப்டம்பர் 14 முதல் செப்டம்பர் 17 ஆம் தேதி வரை, காட்டுப்பாளையம் பகுதியில் விநாயகர் சிலை வைக்கவும், ஊர்வலம் நடத்தவும் அனுமதி கோரி அளித்த விண்ணப்பத்தை பரிசீலிக்கும்படி திருப்பூர் மாவட்ட காவல் கண்காணிப்பாளருக்கு உத்தரவிடக் கோரி, இந்து முன்னணி அமைப்பின் திருப்பூர் மாவட்ட செயற்குழு உறுப்பினர் எஸ்.அன்புணி என்பவர் சென்னை உயர்நீதிமன்றத்தில் மனுத்தாக்கல் செய்திருந்தார்.
