மதுரை மீனாட்சி அம்மன் கோவில் குடமுழுக்கையொட்டி, AI தொழில்நுட்பத்துடன் கூடிய கேமராக்கள் மூலம் கண்காணிப்பு

மதுரை மீனாட்சி அம்மன் கோவில் குடமுழுக்கு விழாவையொட்டி சித்திரை வீதிகளில் பேரிகார்டுகள் அமைத்து பாதுகாப்பு பலப்படுத்தப்பட்டுள்ளது. 6,500 போலீசார் பாதுகாப்பு

மதுரை மீனாட்சி அம்மன் கோவில் குடமுழுக்கு விழாவையொட்டி, பக்தர்களின் பாதுகாப்பை உறுதி செய்யும் வகையில் முன்னேற்பாடுகள் தீவிரமாக நடைபெற்று வருகின்றன.

கூட்ட நெரிசலைத் தவிர்க்கும் வகையில் சித்திரை வீதிகளில் பேரிகார்டுகள் அமைக்கப்பட்டு, பாதுகாப்பு பலப்படுத்தப்பட்டுள்ளது. பக்தர்களை அங்காங்கே நிறுத்தி வைத்து, கட்டுப்பாடுடன் அனுப்பும் வகையில் இந்த ஏற்பாடுகள் செய்யப்பட்டுள்ளன.

குடமுழுக்கு விழாவையொட்டி, சித்திரை வீதிகள் உள்ளிட்ட முக்கிய பகுதிகளில் ஏஐ தொழில்நுட்பத்துடன் கூடிய நவீன கேமராக்கள் பொருத்தப்பட்டு, போலீசார் கண்காணிப்பு பணியில் ஈடுபட்டு உள்ளனர்.

பக்தர்கள் அதிகளவில் கூடும் பகுதிகளில் கூட்ட நெரிசலை கட்டுப்படுத்தவும், பாதுகாப்பு நடவடிக்கைகளை மேற்கொள்ளவும் போலீசார் தீவிரமாக செயல்பட்டு வருகின்றனர்.

மதுரை மீனாட்சி அம்மன் கோவில் குடமுழுக்கு விழாவையொட்டி, சுமார் 6,500 போலீசார் பாதுகாப்பு பணியில் ஈடுபட்டு வருகின்றனர்.

பக்தர்கள் சிரமமின்றி விழாவில் பங்கேற்கும் வகையில் பாதுகாப்பு ஏற்பாடுகள் மேற்கொள்ளப்பட்டுள்ளன. விழா நடைபெறும் பகுதிகளில் கூட்ட நெரிசலைத் தவிர்க்கவும், பக்தர்களின் பாதுகாப்பை உறுதி செய்யவும் போலீசார் தொடர்ந்து கண்காணிப்பு பணியில் ஈடுபட்டு வருகின்றனர்.

மதுரை மீனாட்சி அம்மன் கோவில் குடமுழுக்கு விழாவை முன்னிட்டு பாதுகாப்பு ஏற்பாடுகள் தீவிரப்படுத்தப்பட்டுள்ளதால், பக்தர்களிடையே எதிர்பார்ப்பு அதிகரித்துள்ளது.