அமைச்சர்கள், துறைகளின் செயல்பாடுகள்.. மத்திய அரசின் நலத்திட்டங்கள் குறித்து பிரதமர் மோடி மறுஆய்வு!

News18 Tamil · 6 Sept, 15:39

அமைச்சர்கள், துறைகளின் செயல்பாடுகள்.. மத்திய அரசின் நலத்திட்டங்கள் குறித்து பிரதமர் மோடி மறுஆய்வு!

தேவையான நிர்வாக மாற்றங்களை மேற்கொள்வதற்கு இந்த உயர்மட்ட மறுஆய்வுக் கூட்டம் மிக முக்கியமானதாகப் பார்க்கப்படுகிறது.

பிரதமர் நரேந்திர மோடி தலைமையில் மத்திய அரசின் சமூக நலன் மற்றும் சமூக நீதித் திட்டங்களின் செயல்பாடுகள் குறித்தான உயர்மட்ட மறுஆய்வுக் கூட்டம் திங்கள்கிழமை நடைபெற உள்ளது. அமைச்சகங்களின் ஒட்டுமொத்த செயல்பாடுகள் மட்டுமின்றி, தனிப்பட்ட அமைச்சர்கள் மற்றும் இணை அமைச்சர்களின் செயல்பாடுகளும் இக்கூட்டத்தில் தீவிரமாக மதிப்பீடு செய்யப்பட உள்ளன.

கல்வி, சமூக நீதி மற்றும் அதிகாரமளித்தல், சுகாதாரம், நகர்ப்புற வளர்ச்சி மற்றும் விவசாயம் உள்ளிட்ட முக்கிய அமைச்சகங்களின் செயல்பாடுகள் இக்கூட்டத்தில் முதன்மையாக ஆய்வு செய்யப்பட உள்ளன. இதில் கேபினட் அமைச்சர்கள் மட்டுமின்றி, தனிப்பொறுப்பு வகிக்கும் இணை அமைச்சர்களும் பங்கேற்கின்றனர்.