News18 Tamil · 16 Sept, 10:34

Politics

"அப்பட்டமான அரசியல் பழிவாங்கும் நடவடிக்கை" - அன்பில் மகேஸ் வீட்டில் ரெய்டுக்கு திமுக தலைவர் கண்டனம்

முன்னாள் அமைச்சர் அன்பில் மகேஷ் தொடர்புடைய இடங்களில் மத்திய குற்றப்பிரிவு போலீசார் சோதனையில் ஈடுப்பட்டுள்ள நிலையில், திமுக தலைவர் மு.க.ஸ்டாலின் கண்டனம் தெரிவித்துள்ளார்.

"அப்பட்டமான அரசியல் பழிவாங்கும் நடவடிக்கையைச் சட்டரீதியாக நாங்கள் எதிர்கொள்வோம்" என அன்பில் மகேஸ் பொய்யாமொழி மீது ரெய்டுக்கு திமுக தலைவர் மு.க.ஸ்டாலின் கண்டனம் தெரிவித்துள்ளார்.

"எதிர்க்கட்சி மீது ரெய்டு நடத்துவதால் மக்கள் கோபத்தைத் தணிக்க முடியாது" எனவும் அவர் தெரிவித்துள்ளார்.

சென்னை மற்றும் திருச்சியில் உள்ள முன்னாள் அமைச்சர் மகேஷ் பொய்யாமொழி வீடு உள்ளிட்ட 6 இடங்களில் மத்திய குற்றப்பிரிவு போலீசார் சோதனை நடத்திவருகிறார்கள். இந்நிலையில் “திசைதிருப்பும், அரசியல் பழிவாங்கல் நடவடிக்கை; பிரச்சனைகளை சரி செய்ய முடியாத விரக்தியில் மக்கள் கவனத்தை திசை திருப்ப சோதனை" என அன்பில் மகேஸ் பொய்யாமொழி மீது ரெய்டுக்கு திமுக தலைவர் மு.க.ஸ்டாலின் கண்டனம் தெரிவித்துள்ளார்.

இது தொடர்பாக அவர் சமூகவலைதளப்பதிவில், "அன்பில் மகேஸ் பொய்யாமொழி மீது ரெய்டு: மற்றுமொரு திசைதிருப்பும், அரசியல் பழிவாங்கல் நடவடிக்கை" எனவும் தமிழ்நாடு முழுவதும் மின்வெட்டினால் பாதிக்கப்படும் மக்களின் போராட்டங்கள்; பட்டினப்பாக்கம் மீனவர்கள் போராட்டம்; நேபாளத்தில் காணாமல் போனவர்களின் உறவினர்கள் உரிய பதில் கிடைக்காமல் தலைமைச் செயலகம் முன் போராட்டம்; ஆவின் பால் தட்டுப்பாட்டால் மக்கள் பரிதவிப்பதாக பதிவிட்டுள்ளார்.

இராமநாதபுரம் இரட்டைக் கொலை, சென்னையில் பிள்ளையார் சதுர்த்தி ஊர்வலத்தில் அரசுப் பேருந்து ஓட்டுநர் அடித்துக் கொலை, அயனாவரத்தில் பெண் காவலரிடம் த.வெ.க. நிர்வாகி சீண்டல் என மாநிலத்தை உலுக்கி வரும் எதையும் கண்டுகொள்ளாமல் இலண்டனில் ஷூட்டிங் நடத்திக்கொண்டிருக்கிறார் முதலமைச்சர் என விமர்சித்துள்ளார்.

இந்தப் பிரச்சினைகளைச் சரிசெய்ய முடியாத விரக்தியில், மக்களின் கவனத்தைத் திசைதிருப்ப முன்னாள் அமைச்சர் அன்பில் மகேஸ் அவர்கள் மீது ரெய்டு அஸ்திரத்தை ஏவியுள்ளது எதற்கும் இலாயக்கற்ற த.வெ.க. அரசு. "இந்த அப்பட்டமான அரசியல் பழிவாங்கும் நடவடிக்கையைச் சட்டரீதியாக நாங்கள் எதிர்கொள்வோம்" என தெரிவித்துள்ளார்.