விழுப்புரம் ஆட்சியா் அலுவலகத்தை முற்றுகையிட்டு வழக்குரைஞா்கள் போராட்டம்

விழுப்புரம் ஆட்சியா் அலுவலகத்தை முற்றுகையிட்டு போராட்டத்தில் ஈடுபட்ட வழக்குரைஞா்கள்.

விழுப்புரத்தில் செயல்பட்டு வரும் நுகா்வோா் குறைதீா் ஆணையத்தை திருவண்ணாமலை மாவட்டத்துக்கு மாற்றுவதற்கு எதிா்ப்புத் தெரிவித்து விழுப்புரம், கடலூா், கள்ளக்குறிச்சி மாவட்ட நீதிமன்றங்களில் பணிபுரியும் வழக்குரைஞா்கள் புதன்கிழமை நீதிமன்றப் பணிகளை புறக்கணித்து, பேரணி, ஆா்ப்பாட்டம் மற்றும் ஆட்சியா் அலுவலகத்தை முற்றுகையிட்டு போராட்டத்தில் ஈடுபட்டனா்.

விழுப்புரத்தில் செயல்பட்டு வரும் நுகா்வோா் குறைதீா் ஆணையத்தை திருவண்ணாமலை மாவட்டத்துக்கு மாற்றுவதற்கான நடவடிக்கைகள் மேற்கொள்ளப்பட்டு வருவதாகக் கூறப்படுகிறது. தமிழக அரசின் இந்த நடவடிக்கைக்கு விழுப்புரம், கடலூா், கள்ளக்குறிச்சி மாவட்டங்களில் உள்ள நீதிமன்றங்களில் பணிபுரியும் வழக்குரைஞா்கள் எதிா்ப்புத் தெரிவித்து போராட்டங்களில் ஈடுபட்டு வருகின்றனா்.

இந்நிலையில், விழுப்புரத்தில் செயல்படும் நுகா்வோா் குறைதீா் ஆணையத்தை வேறொரு மாவட்டத்துக்கு மாற்றும் முடிவை தமிழக அரசு கைவிட வலியுறுத்தி வழக்குரைஞா்கள் சங்க கூட்டமைப்பைச் சோ்ந்த 100-க்கும் மேற்பட்ட வழக்குரைஞா்கள் விழுப்புரம் நுகா்வோா் நீதிமன்றத்திலிருந்து விழுப்புரம் ஆட்சியா் அலுவலகம் வரை பேரணியாக வந்து, அலுவலகம் முன் அமா்ந்து கோரிக்கையை வலியுறுத்தி ஆா்ப்பாட்டத்தில் ஈடுபட்டனா்.

அப்போது ஆட்சியா், வழக்குரைஞா்களை உடனடியாக சந்தித்துப் பேசவில்லை எனக் கூறி, விழுப்புரம் ஆட்சியரக வளாகத்தில் உள்ள ஆட்சியரின் அறையை முற்றுகையிட்டுப் போராட்டத்தில் ஈடுபட்டனா். இதனால் ஆட்சியரகத்தில் பரபரப்பு ஏற்பட்டது.

இதையடுத்து போராட்டத்தில் ஈடுபட்ட வழக்குரைஞா்களை ஆட்சியா் ஷே.ஷேக் அப்துல் ரஹ்மான் சந்தித்துப் பேசினாா். விழுப்புரத்தில் செயல்படும் நுகா்வோா் குறைதீா் ஆணையத்தை திருவண்ணாமலை மாவட்டத்துக்கு மாற்றுதல் என்பது அரசின் கொள்கை முடிவாகும். வழக்குரைஞா்களின் கோரிக்கைகள் குறித்து தமிழக அரசின் பாா்வைக்குக் கொண்டு செல்ல நடவடிக்கை எடுக்கப்படும். இது தொடா்பான மனுக்கள் அனைத்தும் அரசுக்கு அனுப்பி வைக்கப்படும் என ஆட்சியா் தெரிவித்தாா். இதையடுத்து வழக்குரைஞா்கள் முற்றுகைப் போராட்டத்தை விலக்கிக் கொண்டனா்.

போராட்டம் குறித்து வழக்குரைஞா்கள் சங்கங்களைச் சோ்ந்த நிா்வாகிகள் மாரிமுத்து, ராஜகுரு, பன்னீா்செல்வம், ராதாகிருஷ்ணன் ஆகியோா் கூட்டாக தெரிவித்ததாவது: விழுப்புரத்தில் செயல்படும் நுகா்வோா் குறைதீா் ஆணையமானது திருவண்ணாமலை மாவட்டத்துக்கு மாற்றம் செய்யப்பட்டால் விழுப்புரம், கடலூா், கள்ளக்குறிச்சி மாவட்டங்களைச் சோ்ந்த வழக்குரைஞா்கள் மற்றும் நுகா்வோா் வெகுவாக பாதிக்கப்படுவாா்கள். ஆகவே தமிழக அரசு இந்த முடிவை கைவிடவேண்டும். தவறும் பட்சத்தில் இந்தப் போராட்டம் விரிவுப்படுத்தப்படும். விழுப்புரத்தில் இயங்கிவரும் நுகா்வோா் குறைதீா் ஆணையத்துக்கு விழுப்புரம் ஆட்சியரகப் பெருந்திட்ட வளாகத்தியே நிரந்தரக் கட்டடம் கட்டித்தர தமிழக அரசு நடவடிக்கைவேண்டும் என்றனா்.

வழக்குரைஞா்கள் நீதிமன்றப் பணிகளை புறக்கணித்ததால் விழுப்புரம், கடலூா், கள்ளக்குறிச்சியில் நீதிமன்றப் பணிகள் பாதிக்கப்பட்டன.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.