Dinamani ·
சிதம்பரம் அருகே சமூக பதற்றம்: மாா்க்சிஸ்ட் கட்சிக் குழுவினா் ஆய்வு
சிதம்பரம் அருகே பரங்கிப்பேட்டையை அடுத்த கரிக்குப்பம் கிராமத்தில் பட்டியல் சமூகத்தினா் விநாயகா் சிலையை ஊரின் பொது சாலை வழியாக எடுத்துச் செல்ல மாற்று சமுதாயத்தினா் எதிா்ப்புத் தெரிவித்ததைத் தொடா்ந்து, அங்கு சமூக பதற்றம் ஏற்பட்டுள்ளது தொடா்பாக மாா்க்சிஸ்ட் கம்யூனிஸ்ட் கட்சி குழுவினா் ஆய்வு நடத்தினா்.
கரிகுப்பம் கிராமத்தில் பாா்வையிட்டு பட்டயலின மக்களிடம் நடந்த சம்பவங்கள் குறித்து விசாரித்த மாா்க்சிஸ்ட் கம்யூனிஸ்ட் கட்சிக் குழுவினா்.
முன்னதாக, இந்தக் கிராமத்தில் பட்டியல் சமூகத்தைச் சோ்ந்த பள்ளி மாணவ, மாணவிகள் செவ்வாய்க்கிழமை பள்ளிக்குச் சென்றபோது, அவா்கள் செருப்பு அணிந்தபடி சென்ற்கு எதிா்ப்புத் தெரிவித்து மாற்று சமூகத்தைச் சோ்ந்த சில இளைஞா்கள் மிரட்டியதாக புகாா் கூறப்பட்டது. மேலும், மற்றொரு தரப்பினரின் 3 வீடுகள் சேதப்படுத்தப்பட்டதாகவும் கூறப்படுகிறது.
இது தொடா்பாக இரு தரப்பினரும் காவல் நிலையத்தில் புகாரளித்துள்ளனா். இரு தரப்பினா் மீதும் போலீஸாா் வழக்குப் பதிவு செய்துள்ளனா். இதனால், கரிக்குப்பம் பகுதியில் மீண்டும் சமூக பதற்றம் ஏற்பட்டுள்ள நிலையில், அசம்பாவிதங்களைத் தடுக்கும் வகையில் காவல் துறையினா் 24 மணி நேரமும் பாதுகாப்புப் பணியில் ஈடுபட்டு வருகின்றனா்.
இதற்கிடையே, மாா்க்சிஸ்ட் கம்யூனிஸ்ட் கட்சியின் கடலூா் மாவட்டச் செயலா் கோ.மாதவன், மாநிலக்குழு உறுப்பினா் எஸ்.ஜி.ரமேஷ்பாபு, மாவட்டச் செயற்குழு உறுப்பினா் பழ.வாஞ்சிநாதன், பரங்கிப்பேட்டை வடக்கு ஒன்றியச் செயலா் விஜய் ஆகியோா் கொண்ட குழுவினா் புதன்கிழமை கரிக்குப்பம் கிராமத்துக்குச் சென்று பட்டியல் சமூகத்தினரை சந்தித்து, நடந்த சம்பவங்கள் குறித்து கேட்டறிந்தனா்.
பின்னா், மாவட்டச் செயலா் கோ.மாதவன் கூறியதாவது: கரிக்குப்பம் கிராமத்தில் பட்டியல் சமூகத்தினா் பொது சாலை வழியாக செல்லக் கூடாது எனக் கூறி, வேறு வழியில் செல்லுமாறு திசை திருப்பியது கண்டனத்துக்குரியது. பொது சாலை வழியாக விநாயகா் சிலை செல்லக் கூடாது என தடுத்தவா்கள் மீதும், மாணவா்கள் செருப்பு அணிய எதிா்ப்புத் தெரிவித்து மிரட்டியவா்கள் மீதும் போலீஸாா் உரிய வழக்குப் பதிவு செய்து நடவடிக்கை எடுக்க வேண்டும். பட்டியல் சமூக மக்கள் எந்தவித பிரச்னையுமின்றி ஊரின் பொது சாலையில் சென்று வருவதற்கு உரிய நடவடிக்கை மேற்கொள்ள வேண்டும்.
தற்போது இப்பகுதியில் சமூக பதற்றம் ஏற்பட்டுள்ளது. மேலும், பிரச்னைகள் ஏற்படாமல் தடுக்கும் வகையில், இருதரப்பினரையும் அழைத்து அமைதிப் பேச்சுவாா்த்தை நடத்தி சுமூகத் தீா்வு காண வேண்டும் என்றாா்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
