Dinamalar ·
சிறந்த சுற்றுலா தொழில் முனைவோருக்கு விருது: விண்ணப்பிக்க, 30ம் தேதி கடைசி நாள்
ஊட்டி: சிறந்த சுற்றுலா தொழில் முனைவோருக்கு விருதுகள் வழங்கப்பட உள்ளது.
கலெக்டர் லட்சுமி பவ்யா வெளியிட்டுள்ள செய்தி குறிப்பு:
மாநில அரசு, 2022ம் ஆண்டு முதல் சுற்றுலா ஏற்பாட்டாளர், சுற்றுலா தொழில் முனைவோர் மற்றும் ஹோட்டல் முகவர்களுக்கு, சுற்றுலா விருதுகள் வழங்கி வருகிறது. நடப்பாண்டுக்கான விண்ணப்பங்களை, www.tntourism awards.com என்ற இணைய தளம் முகவரி வாயிலாக விண்ணப்பிக்கலாம்.
விருதுகள் விபரம்: அதில், 'தமிழ்நாட்டில் சிறந்த சுற்றுலா ஏற்பாட்டாளர்; சிறந்த உள்நாட்டு சுற்றுலா ஏற்பாட்டாளர்; சிறந்த பயண பங்குதாரர்; சிறந்த தங்குமிடம்; சிறந்த உணவகம், தங்குமிடம் மற்றும் படகு இல்லம்; சுற்றுலா ஊக்குவிப்பதற்கான சிறந்த மாவட்டம்; சுத்தமான சுற்றுலா தலம்; சிறந்த சிறப்பு சுற்றுலா நிறுவனம்; சிறந்த சாகசம் மற்றும் தங்கும் முகாம்கள் சுற்றுலா ஏற்பாட்டாளர்; சிறந்த சுற்றுலா வழிகாட்டி மற்றும் சுற்றுலா விருந்தோம்பலில் சிறந்த கல்வி நிறுவனம், சிறந்த மருத்துவ மற்றும் ஆரோக்கிய சுற்றுலா நிறுவனம்,' ஆகியவை அடங்கும். இவற்றை பற்றி மேற்கண்ட இணையதள முகவரியில், வரும், 30ம் தேதிக்கும் விண்ணப்பிக்க வேண்டும். இவ்வாறு அதில் கூறப்பட்டுள்ளது.
