Dinamalar ·
ஜார்க்கண்ட் அமைச்சர் மாரடைப்பில் மரணம்
ராஞ்சி: ஜார்க்கண்ட் முக்தி மோர்ச்சா கட்சியைச் சேர்ந்த ஜார்க்கண்ட் உயர் கல்வி அமைச்சர் சுதிவ்யா குமார், 56, மாரடைப்பால் நேற்று காலமானார்.
ஜார்க்கண்டில் முதல்வர் ஹேமந்த் சோரன் தலைமையில் ஜார்க்கண்ட் முக்தி மோர்ச்சா – காங்., கூட்டணி ஆட்சி நடக்கிறது. இங்கு, ஜார்க்கண்ட் முக்தி மோர்ச்சா கட்சியைச் சேர்ந்த சுதிவ்யா குமார், மாநில உயர் மற்றும் தொழில்நுட்ப கல்வி அமைச்சராக பதவி வகித்தார். மேலும், சுற்றுலா, விளையாட்டு, இளைஞர் நலன் உள்ளிட்ட துறைகளையும் கவனித்து வந்தார்.
நெஞ்சு வலியால், கிரிகிட் மாவட்டத்தில் உள்ள தனியார் மருத்துவமனையில், நேற்று அதிகாலை 2:30 மணி அளவில் அனுமதிக்கப்பட்ட அமைச்சர் சுதிவ்யா குமார், அதிகாலை 4:00 மணிக்கு மாரடைப்பால் உயிரிழந்தார். இவருக்கு ஸ்வேதா என்ற மனைவியும், இரு மகள்களும், ஒரு மகனும் உள்ளனர்.
