Dinamalar ·
ஹாக்கி: இந்தியா கோல் மழை: இந்தோனேஷியாவை வீழ்த்தியது
மொகி: ஜூனியர் ஆசிய கோப்பை ஹாக்கி தொடரை வெற்றியுடன் துவக்கியது இந்திய அணி. நேற்று தனது முதல் போட்டியில் 14-0 என இந்தோனேஷியாவை வீழ்த்தியது.
ஆசிய ஹாக்கி கூட்டமைப்பு ஜூனியர் அணிகளுக்கான (21 வயதுக்குட்பட்ட ஆண்கள், பெண்கள்) ஆசிய கோப்பை தொடர் நடத்தப்படுகிறது. சீனாவில் நடக்கும் 10வது சீசனில் 10 அணிகள் மோதுகின்றன. நடப்பு சாம்பியன் இந்திய ஆண்கள் அணி 'ஏ' பிரிவில் இடம் பெற்றுள்ளது. நேற்று தனது முதல் போட்டியில் இந்தோனேஷியாவை சந்தித்தது.
போட்டி துவங்கியது முதல் இந்தியா ஆதிக்கம் செலுத்தியது. 5வது நிமிடம் முதல் கோல் அடித்தார் பிரப்தீப். அடுத்து 26, 30, 45, 52 வது நிமிடங்களிலும் அசத்திய இவர், 5 கோல் அடித்து மிரட்டினார்.
