Dinamalar ·
வி.சி.க.,வில் போட்டா போட்டி தாசில்தார் தலைமையில் பேச்சுவார்த்தை
பண்ருட்டி: பண்ருட்டி சட்டசபை தொகுதி வி.சி.க.,வினரின் போட்டா போட்டியால் சட்டம் ஒழுங்கு பாதிக்காமல் இருக்கும் பொருட்டு தாசில்தார் தலைமையில் பேச்சுவார்த்தை நடந்தது.
கடலுார் மாவட்டம், பண்ருட்டி சட்டசபை தொகுதி வி.சி.க.,வின் மாவட்ட செயலாளர் அருட்செல்வன் தலைமையில் இன்று 5ம் தேதி நெல்லிக்குப்பம் பஸ் நிலையம் அருகில் தீர்மான விளக்க பொதுக்கூட்டம் நடத்த அனுமதி கோரி நகர செயலாளர் மகேந்திரன் கடந்த 22ம் தேதி நெல்லிக்குப்பம் போலீசில் மனு அளித்தார்.
அதே தேதியில், அதே இடத்தில் அதே தீர்மான விளக்க பொதுக்கூட்டத்தை நடத்த அனுமதி கோரி மாவட்ட துணை செயலாளர் திருமாறன் கடந்த 1ம் தேதி நெல்லிக்குப்பம் போலீசில் மனு அளித்தார்.
