ஹாலிவுட்டில் ரீமேக் ஆகும் மகாராஜா!

Dinamani · 16 Sept, 11:04

ஹாலிவுட்டில் ரீமேக் ஆகும் மகாராஜா!

மகாராஜா திரைப்படம் ஹாலிவுட்டில் ரீமேக் செய்யப்பட உள்ளதாகத் தகவல்...

நடிகர் விஜய் சேதுபதி நடித்த மகாராஜா திரைப்படம் ஹாலிவுட்டில் ரீமேக் ஆகவுள்ளதாகத் தகவல்கள் தெரிவிக்கின்றன.

நடிகர் விஜய் சேதுபதியின் 50ஆவது திரைப்படமாக வெளியாகி மிகப்பெரிய வெற்றியைப் பெற்றது மகாராஜா. குரங்கு பொம்மை படத்தை இயக்கிய நிதிலன் சாமிநாதன் இத்திரைப்படத்தை இயக்கியிருந்தார். ஒரு குப்பைத்தொட்டியையும் அதன் பின் இருக்கும் எமோஷனலாக கதையையும் மையமாக வைத்து படத்தின் கதை எழுதப்பட்டிருந்தது.

சுதன் சுந்தரம், ஜெகதீஷ் பழனிசாமி ஆகியோர் இணைந்து படத்தை தயாரிக்க, அஜனீஷ் லோக்நாத் இசையமைத்திருந்தார். படத்தில், விஜய் சேதுபதியுடன் பாரதிராஜா, அனுராக் காஷ்யப், மம்தா மோகன்தாஸ், அபிராமி, நட்டி நட்ராஜ் உள்பட பலர் முக்கிய கதாபாத்திரங்களில் நடித்திருந்தனர்.