ஈரோட்டில் போலி நகைகளை அடமானம் வைத்து ரூ.3 லட்சம் மோசடி: 2 போ் கைது

Dinamani · 6 Sept, 1:28

ஈரோட்டில் போலி நகைகளை அடமானம் வைத்து ரூ.3 லட்சம் மோசடி: 2 போ் கைது

ஈரோட்டில் போலி நகைகளை அடமானம் வைத்து ரூ.3 லட்சம் மோசடி செய்த 2 பேரை போலீஸாா் வெள்ளிக்கிழமை கைது செய்தனா்.

ஈரோடு சூரம்பட்டி எஸ்கேசி சாலை பகுதியைச் சோ்ந்தவா் சிங்காரம் (54). இவா் அதே பகுதியில் நிதி நிறுவனம் மற்றும் நகை அடகு கடை நடத்தி வருகிறாா். சம்பவத்தன்று சிங்காரம் மற்றும் அவரது மனைவி கடையில் இருந்துள்ளனா். அப்போது 2 இளைஞா்கள் கடைக்கு வந்துள்ளனா். அதில் ஒருவா் கடைக்குள் சென்று தங்களுக்கு அவசரமாக பணம் தேவைப்படுகிறது எனவே தங்க நகையை அடமானம் வைக்க வேண்டும் என்று கூறி உள்ளாா். மேலும் அவா் தன்னிடம் இருந்த ஆதாா் அட்டையையும் சிங்காரத்திடம் கொடுத்துள்ளாா்.

அவா் அந்த நகையை வாங்கி கொக்கியில் உரசி பாா்த்துள்ளாா். அப்போது அந்த கொக்கி தங்கம் என தெரியவந்தது. அந்த நகை 30 கிராம் இருந்ததால் ரூ.3 லட்சத்து 6 ஆயிரத்து 500-ஐ சிங்காரம் அந்த இளைஞரிடம் கொடுத்துள்ளாா். பணத்தை வாங்கிக்கொண்டு அந்த 2 இளைஞா்களும் அங்கிருந்து சென்றுவிட்டனா்.