Vikatan ·
டைரக்ட் பிளான் to ரெகுலர் பிளான்... கட்டணம் உண்டா?
பெரும்பாலான திட்டங்களுக்கு ஒரு நாமினி இருப்பதே போதுமானதாக இருக்கும். குறிப்பாக, தங்களுடைய சொத்துகள் மற்றும் முதலீடுகள் அனைத்தையும் ஒரே குடும்ப உறுப்பினரிடம் சென்றடைய வேண்டும் என்று விரும்புபவர்கள் ஒருவரை நாமினியாக பதிவு செய்யலாம்.
கடந்த 5 ஆண்டுகளில் ஒரு பங்குச் சந்தை சார்ந்த ஈக்விட்டி மியூச்சுவல் ஃபண்ட் மொத் தமாக 150% வருமானம் கொடுத்துள்ளது எனப் படித்தேன். இந்த ஃபண்டில் நான் முதலீடு செய்யலாமா?
கே.ஆர்.வரதராஜன், நிறுவனர், கே.ஆர்.வி, இன்வெஸ்ட்மென்ட் சர்வீசஸ் ARN 88304
‘‘முதலீடு செய்யலாம் என்று கடந்த 5 ஆண்டு வருமானத்தை மட்டும் வைத்து முடிவு செய்யக்கூடாது. ஐந்தாண்டுகளில் மொத்த வருமானம் 150% என்றால், ரூ.1 லட்சம் ரூ.2.5 லட்சமாக வளர்ந்து உள்ளது. அதாவது, அந்த ஃபண்டின் ஆண்டு சராசரி வருமானம் (CAGR), 20.11%. இது, அந்த ஃபண்ட் பிரிவின் சராசரி வருமானம் மற்றும் பென்ச்மார்க் குறியீட்டை விட அதிகம் என்றால் தாராளமாக முதலீடு செய்யலாம். கடந்த கால வருமானம் எதிர்காலத்திலும் அதேபோல் கிடைக்கும் என்பதற்கு உத்தரவாதம் இல்லை. சுருக்கமாக, நல்ல 5 ஆண்டு வருமானம் என்பது ஃபண்டை ஆய்வு செய்ய ஒரு தொடக்கப் புள்ளி மட்டுமே; முதலீடு செய்வதற்கான ஒரே காரண மாக இருக்கக்கூடாது.