Dinamalar ·
வால்பாறைக்கு ரோப்கார்! அரசுக்கு எம்.எல்.ஏ., யோசனை
வால்பாறை: வால்பாறை – ஆழியாறு இடையே ரோப்கார் வசதி ஏற்படுத்த வேண்டும், என, பொள்ளாச்சி எம்.எல்.ஏ., வலியுறுத்தியுள்ளார்.
வால்பாறையிலிருந்து, 64 கி.மீ., தொலைவில் பொள்ளாச்சி உள்ளது. மொத்தம், 40 கொண்டை ஊசி வளைவுகளை கடந்த செல்ல மூன்று மணி நேரமாகிறது. சுற்றுலா பயணியர் அதிகளவில் வந்து செல்லும் வால்பாறையில், ரோப்கார் வசதி ஏற்படுத்த வேண்டும், என, பல ஆண்டுகளாக மக்கள் கோரிக்கை விடுத்து வருகின்றனர்.
இந்நிலையில், பொள்ளாச்சி எம்.எல்.ஏ., நித்யானந்தம் சட்டசபையில் பேசும் போது, ‘பொள்ளாச்சி சுற்றுலா மேம்பாட்டிற்கு பல சிறப்பு திட்டங்கள் கொண்டுவரப்பட்டுள்ளன. பொள்ளாச்சி அடுத்துள்ள வால்பாறை மலைப்பகுதியில், கடந்த 1920ம் ஆண்டுகளில் தேயிலை எஸ்டேட்களை உருவாக்க ஆங்கிலேயர் ஆட்சிகாலத்தில் ரோப்கார் திட்டம் செயல்படுத்தப்பட்டது.
