Dinamalar ·
ஓடை ஆக்கிரமிப்பு அகற்றும் பணி வாக்குவாதத்தால் பரபரப்பு
உடுமலை: உப்பாறு ஓடை ஆக்கிரமிப்பு அகற்றுவதில், அதிகாரிகள் பாரபட்சம் காட்டுவதாக தமிழக விவசாயிகள் பாதுகாப்பு சங்கத்தினர் அதிகாரிகள் குழுவினருடன் வாக்குவாதத்தில் ஈடுபட்டதால் பரபரப்பு ஏற்பட்டது.
குடிமங்கலம் ஒன்றியம் பெரியபட்டி பகுதியில் உப்பாறு ஓடை அமைந்துள்ளது. இந்த ஓடையை ஆக்கிரமித்து, தனியார் கோழிப்பண்ணை கட்டுமான பணிகள் மேற்கொள்ளப்படுவதாக தமிழக விவசாயிகள் பாதுகாப்பு சங்கத்தினர் போராட்டத்தில் ஈடுபட்டனர்.
அதிகாரிகள் பேச்சுவார்த்தை நடத்தி, அளவீடு பணிகளுக்கு பிறகு ஆக்கிரமிப்பு அகற்றப்படும் என உறுதியளித்தனர். அதன்படி நேற்றுமுன்தினம் உடுமலை தாசில்தார் அருணா தலைமையில் ஆக்கிரமிப்பு அகற்றும் பணி துவங்கியது.
