News18 Tamil ·
Religion
நீலகிரியில் கிருஷ்ண ஜெயந்தி விழா... கோபாலகிருஷ்ண சுவாமி கோவிலில் சிறப்பு வழிபாடு..!
நீலகிரி மாவட்டத்தில் கோபாலகிருஷ்ண சுவாமி கோவிலில் நடந்த கிருஷ்ண ஜெயந்தி விழா சிறப்பு வழிபாட்டில் ஏராளமான பக்தர்கள் கலந்து கொண்டனர்.
கிருஷ்ண ஜெயந்தி விழா நீலகிரி மாவட்டத்தில் கோலாகலமாக கொண்டாடப்பட்டது. மகாவிஷ்ணுவின் எட்டாவது அவதாரமான ஸ்ரீ கிருஷ்ணர் பிறந்த நாளைக் குறிக்கும் இந்த பண்டிகையை முன்னிட்டு, பல்வேறு கிருஷ்ணர் ஆலயங்களில் சிறப்பு வழிபாடுகள் நடைபெற்றன.
நீலகிரி மாவட்டத்தில் உள்ள கிருஷ்ணர் கோவில்களில் இன்று காலை முதல் பக்தர்கள் சிறப்பு வழிபாடுகளை மேற்கொண்டனர். கோவில்கள் விழாக்கோலம் பூண்டிருந்தன.
மஞ்சூர் அருகே உள்ள சாம்ராஜ் எஸ்டேட் நிறுவனத்திற்கு சொந்தமான கோபாலகிருஷ்ண சுவாமி கோவிலில் இன்று காலை முதல் ஏராளமான பக்தர்கள் வருகை தந்து சாமி தரிசனம் செய்தனர். வருகை புரிந்த அனைவருக்கும் பிரசாதம் வழங்கப்பட்டது.
