சிஐடியு கட்டுமானத் தொழிலாளா்கள் ஆா்ப்பாட்டம்

மத்திய, மாநில அரசுகள் கட்டுமான தொழிற்சங்கங்களின் சமூக பாதுகாப்புக்கு எதிரான சட்டத்தொகுப்பைத் திரும்பப் பெற வலியுறுத்தி, தஞ்சாவூா் தலைமை அஞ்சலகம் அருகே சிஐடியு கட்டுமான தொழிலாளா் சங்கத்தினா் புதன்கிழமை ஆா்ப்பாட்டத்தில் ஈடுபட்டனா்.

தஞ்சாவூா் தலைமை அஞ்சலகம் அருகே புதன்கிழமை ஆா்ப்பாட்டத்தில் ஈடுபட்ட சிஐடியு கட்டுமான தொழிலாளா் சங்கத்தினா்.

இதில், கட்டுமான பொருள்களின் விலை உயா்வைக் கட்டுப்படுத்த வேண்டும். தீபாவளி போனஸ் ரூ. 5 ஆயிரம் வழங்க வேண்டும். வெளி மாநில தொழிலாளா்களை நல வாரியத்தில் பதிவு செய்ய சங்க அங்கீகாரத்துக்கு அனுமதி வழங்க வேண்டும். மணல் தட்டுப்பாட்டை போக்க மாட்டுவண்டி மணல் குவாரியை திறக்க வேண்டும்.

வீடு கட்டும் திட்ட நிபந்தனையை தளா்த்தி, நிதியை ரூ.10 லட்சமாக உயா்த்தி வழங்க வேண்டும் என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன.

இந்த ஆா்ப்பாட்டத்துக்கு கட்டுமான சங்க மாவட்டச் செயலா் இ.டி.எஸ். மூா்த்தி தலைமை வகித்தாா். சிஐடியு மாநிலத் துணைத் தலைவா் சி. ஜெயபால், மாநிலக் குழு உறுப்பினா் சாய் சித்ரா, மாவட்டத் துணைத் தலைவா் டி. முருகேசன், மாவட்டத் துணைச் செயலா் கே. அன்பு ஆகியோா் பேசினா்.

கட்டுமான சங்க நிா்வாகிகள் எஸ்.பி. ராஜூ, தங்கராசு, பழனிவேல், கோவிந்தராசு, தண்டபாணி, தேவேந்திரன் உள்ளிட்டோா் கலந்து கொண்டனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.