News18 Tamil ·
மசினகுடி வனப்பகுதிகளில் மீண்டும் திரும்பும் பசுமை... வன ஆர்வலர்கள் நிம்மதி..!
நீலகிரி மலை மாவட்டத்தில் எல் நினோ தாக்கத்தாலும், தென்மேற்கு பருவமழை பொய்த்ததாலும் ஏற்பட்ட வறட்சிக்கு பிறகு, மசினகுடி வனப்பகுதிகளில் மரங்கள் மீண்டும் பசுமை பெற்று வருகின்றன. இது அப்பகுதி மக்களுக்கு நிம்மதியை அளித்துள்ளது.
நீலகிரி மலை மாவட்டத்தில் எல் நினோ தாக்கத்தாலும், தென்மேற்கு பருவமழை பொய்த்ததாலும் கடுமையான வறட்சி நிலவியது. இதனால் சீகூர், மசினகுடி, முதுமலை வனப்பகுதிகளில் வனவிலங்குகள் உணவு மற்றும் குடிநீர் தேடி இடம்பெயர்ந்தன.
தற்போது சிரியூர் கிராமப் பகுதிக்கு செல்லும் சாலையில் மரங்கள் மீண்டும் பசுமை பெற்று வருகின்றன. இது அப்பகுதி மக்களுக்கு நிம்மதியை அளித்துள்ளது.
சுமார் ஒரு மாதத்திற்கு முன்பு, நீலகிரி மலை மாவட்டத்தில் எல் நினோ தாக்கத்தால் அதிக வறட்சி ஏற்பட்டது. தென்மேற்கு பருவமழை பொய்த்ததால், மழைப்பொழிவு இல்லாமல் பொதுமக்கள் சிரமங்களை சந்தித்தனர். சீகூர், மசினகுடி, முதுமலை வனப்பகுதிகளில் மழைப்பொழிவு இல்லாததால் வறட்சி நிலவியது. அடர்ந்த வனப்பகுதிகளில் இருந்து வனவிலங்குகள் உணவு மற்றும் குடிநீர் தேடி மலைப்பாங்கான இடங்களுக்கு அதிக அளவில் இடம்பெயரத் தொடங்கின.
இதையும் படிங்க: சூப்பர் கிரிட்டிக்கல் நிலக்கரி திட்டம் தீர்வா? அச்சுறுத்தலா? தூத்துக்குடி அனல் மின்நிலையப் பின்னணி..!
சுமார் ஒரு மாதங்களுக்கு முன்னர், இந்த பகுதிகளில் மழைப்பொழிவு இல்லாமல் அதிக வெயில் வாட்டி வதைத்தது. இதனால் மரங்கள் அனைத்தும் கருகி, பசுமை இழந்து காணப்பட்டன. இந்த நிலை காரணமாக, கால்நடை வளர்ப்போரும் மிகுந்த சவால்களை சந்தித்தனர்.
தற்போது சிரியூர் கிராமப் பகுதிக்கு செல்லும் சாலையில், சாலையோரங்களில் உள்ள மரங்கள் மீண்டும் பசுமை பெற்று வருகின்றன. இதனால் அப்பகுதியில் வசிக்கும் பொதுமக்கள் சற்று நிம்மதி அடைந்துள்ளனர். புள்ளிமான்களும் அவ்வப்போது சாலை ஓரங்களில் பசுமையான பொருட்கள் மற்றும் செடி கொடிகளை மேய்வதற்காக வலம் வருகின்றன. இது சுற்றுலா பயணிகளுக்கும் பொது மக்களுக்கும் கண்களுக்கு விருந்தாக அமைந்துள்ளது.
மழை பொழிந்து பசுமையான காடுகள் செழித்தால் மட்டுமே வனவிலங்குகளும் மனிதர்களும் சிறப்பான வாழ்க்கை மேற்கொள்ள முடியும் என்று உள்ளூர் வாசிகள் கருத்து தெரிவிக்கின்றனர்.