Dinamalar · 8 Sept, 18:19

ரயில் மோதி வாலிபர் பலி

கொருக்குப்பேட்டை:பொன்னேரி ரயில் நிலையம் அருகே, ரயில் மோதி, 23 வயது வாலிபர் பலியானார்.

திருவள்ளூர் மாவட்டம் பொன்னேரி, இனாம் அகரம் ஜெகநாதபுரம் பெருமாள் கோவில் தெருவைச் சேர்ந்தவர் ஜெகதீஷ், 23; தனியார் நிறுவன ஊழியர். நேற்று முன்தினம் பொன்னேரி ரயில் நிலையத்தில் தண்டவாளம் அருகே நடந்து சென்றார்.

அப்போது, பொன்னேரியில் இருந்து மீஞ்சூர் நோக்கி செல்லும் மின்சார ரயில் ஜெகதீஷ் மீது மோதியது. இதில், அவர் சம்பவ இடத்தில் உயிரிழந்தார்.

கொருக்குப்பேட்டை ரயில்வே போலீசார், உடலை மீட்டு பிரேத பரிசோதனைக்காக ஸ்டான்லி அரசு மருத்துவமனைக்கு அனுப்பி வைத்தனர்.