நடைபாதை முழுவதும் கடைகளின் ஆக்கிரமிப்பு: வெரைட்டிஹால் ரோட்டில்தான் இந்த அக்கிரமம்

1. நிழற்குடைக்குள் குப்பை இருகூர், காமாட்சிபுரம் நடுநிலைப்பள்ளி கேட் அருகே உள்ள பயணியர் நிழற்குடை குப்பை நிறைந்து, துர்நாற்றம் வீசுகிறது.

-ரங்கசாமி: 2. நிழற்குடையில் உடைந்த நாற்காலிகள் குனியமுத்தூர், விஜயலட்சுமி மில்ஸ் பஸ் நிறுத்தத்தில் உள்ள நிழற்குடையில் நாற்காலிகள் உடைந்தும், சில காணாமலும் உள்ளன.

-காளிமுத்து: 3. குப்பை எரிப்பால் புகை மூட்டம் குருடம்பாளையம் சித்தம்மாள் கோவில் அருகே குவிந்துள்ள குப்பையை எரிப்பதால் துர்நாற்றத்துடன் புகை வெளியேறுகிறது.

-குமார்: 4. ஆபத்தான பாதாள சாக்கடை மூடி சின்னவேடம்பட்டி, இந்தியன் ஆயில் பெட்ரோல் பங்க் அருகே சாலை நடுவில் உள்ள பாதாள சாக்கடை மூடி மேடாகவும், அதைச் சுற்றியுள்ள தார்ச்சாலை சிதைந்தும் உள்ளது. இருசக்கர வாகன ஓட்டிகள் விபத்தில் சிக்கும் அபாயம் உள்ளது.

- சுந்தரேசன்: 5. ஆக்கிரமிப்பால் மறைந்த நடைபாதை ஒப்பணக்கார வீதியில் இருந்து வி.எச்.ரோடு சென்ட்ரல் வங்கி வரை பல கடைகள் நடைபாதையை ஆக்கிரமித்துள்ளன. இதனால் பொதுமக்கள் நடைபாதையை பயன்படுத்த முடியாமல் சாலையில் நடந்து செல்கின்றனர்.

- பழனிசுவாமி: 6. ஆபத்தான நிலையில் மின்கம்பம் பீளமேடு பாரதி காலனியில் மின்கம்பம் ஆபத்தான நிலையில் உள்ளது. அசம்பாவிதம் ஏற்படும் முன் இந்த பழைய மின்கம்பத்தை அகற்றி, புதிய கம்பம் அமைக்க வேண்டும்.

- தேவராஜன்: 7. நீர்வழிப்பாதை ஆக்கிரமிப்பு என்.என்.பாளையத்தில் சாக்கடை நீர் செல்லும் ஓடையை ஒட்டி கடைகள் இருப்பதால் துர்நாற்றம் வீசுவதுடன், உணவுப் பொருட்களும் சுகாதாரமற்ற நிலையில் விற்கப்படுகின்றன.

- கணேசன்: 8. வீணாகும் தண்ணீர் குனியமுத்தூர் சிறுவாணி டேங்க் அருகே பெரிய குடிநீர் குழாய் உடைந்து, தண்ணீர் வீணாகி வருகிறது. பொதுக்குழாய் அருகே அபாயகரமான பள்ளம் உள்ளது.

- முஹமத் ஜக்காரியா: 9. கழிவுகளால் வீசும் துர்நாற்றம் மலுமிச்சம்பட்டி, எம்.வி.எஸ்.பெட்ரோல் பங்க் இடையே சோளக் கழிவு, சாம்பல் குப்பை கொட்டப்படுவதால் துர்நாற்றம் வீசுகிறது.

- ஈஸ்வரன்: 10. தெருநாய்கள் தொல்லை பீளமேடு விஜயஸ்ரீ கார்டன் பகுதியில் ஏராளமான தெருநாய்கள் சுற்றித் திரிகின்றன. பள்ளி, கல்லுாரிகள் அமைந்துள்ள இப்பகுதியில், மாணவர்கள் அச்சத்துடன் நடக்க வேண்டியுள்ளது.