பள்ளி மாணவர்களுக்கு கிரிக்கெட் போட்டி; ஸ்ரீராமகிருஷ்ணா வெற்றி

கோவை: மாவட்ட கிரிக்கெட் சங்கம்(சி.டி.சி.ஏ.,) சார்பில் 16 வயதுக்குட்பட்ட பள்ளி மாணவர்களுக்கான கிரிக்கெட் போட்டி, பி.எஸ்.ஜி., ஐ.எம்.எஸ்., மைதானங்களில் நடக்கிறது. ஸ்ரீ ஜெயேந்திர சரஸ்வதி பள்ளி அணியினர், 25 ஓவரில் 163 ரன் எடுத்தனர். ஸ்டேன்ஸ் ஆங்கிலோ இந்தியன் பள்ளி அணியினர், 22 ஓவரில் அனைத்து விக்கெட்களையும் இழந்து 100 ரன் எடுத்து தோல்வியடைந்தனர்.

ஜி.ராமசாமி நாயுடு பள்ளி அணியினர், 13.3 ஓவரில் 34 ரன் எடுத்தனர். ஸ்ரீ ராமகிருஷ்ணா பள்ளி அணியினர் 2.3 ஓவரில் 38 ரன் எடுத்து வெற்றி பெற்றனர்.

நேஷனல் மாடல் பள்ளி அணியினர் 25 ஓவரில் 148 ரன் எடுத்தனர். டி.ஏ.ராமலிங்கம் செட்டியார் பள்ளி அணியினர் 25 ஓவரில் 84 ரன் எடுத்து தோல்வியடைந்தனர். போட்டிகள் தொடர்ந்து நடக்கின்றன.