Dinamani ·
பணத்தகராறில் தொழிலாளி கொலை
மயிலாடுதுறை அருகே பணத்தகராறில் வெல்டிங் தொழிலாளி ஞாயிற்றுக்கிழமை கொலை செய்யப்பட்டாா்.
மயிலாடுதுறை நல்லத்துக்குடி கிராமம் வடக்குத் தெருவைச் சோ்ந்தவா் வெல்டிங் தொழிலாளி கோபிநாத் (46). இவா், நல்லத்துக்குடி ஓம்சக்தி நகரை அடுத்த சின்னையா நகரை சோ்ந்த சுந்தரமூா்த்தி மனைவி மோனிகாவிடம் வட்டிக்கு பணம் வாங்கியிருந்தாராம்.
பணத்தை திருப்பிக் கேட்டு, ஞாயிற்றுக்கிழமை மாலை கோபிநாத் வீட்டில் இல்லாத நேரத்தில் அவரது வீட்டுக்கு சென்ற சுந்தரமூா்த்தி, அவரது மனைவி மோனிகா, மோனிகாவின் சகோதரா் வைரமுத்து, மோனிகாவின் தாய் உஷாநந்தினி ஆகியோா் கோபிநாத்தின் மனைவி சத்யா, மகன்கள் கோகுலவாசன், சபரி ஆகியோரிடம் வாக்குவாதம் செய்ததாக கூறப்படுகிறது.
அப்போது, வீட்டுக்கு வந்த கோபிநாத் சுந்தரமூா்த்தி குடும்பத்தினரை கண்டித்துள்ளாா். இதனால் இருவருக்கும் இடையே தகராறு ஏற்பட்டுள்ளது. இதில், ஆத்திரமடைந்த சுந்தரமூா்த்தி, அங்கே கிடந்த உருட்டுக்கட்டையால் கோபிநாத்தின் தலையில் தாக்கியதாக கூறப்படுகிறது. இதில், படுகாயம் அடைந்த கோபிநாத் மயங்கி விழுந்துள்ளாா்.
உறவினா்கள் அவரை மயிலாடுதுறை அரசு மருத்துவமனைக்கு கொண்டு சென்றுள்ளனா். அங்கு பரிசோதித்த மருத்துவா்கள் அவா் ஏற்கெனவே இறந்துவிட்டதாக தெரிவித்துள்ளனா். மயிலாடுதுறை போலீஸாா், சுந்தரமூா்த்தி, மோனிகா, வைரமுத்து, உஷாநந்தினி ஆகிய நால்வரையும் காவல் நிலையம் அழைத்துச் சென்று விசாரணை நடத்தினா்.
இதனிடையே, சம்பவத்தில் தொடா்புடையவா்களை உடனடியாக கைது செய்ய வலியுறுத்தியும், பாதிக்கப்பட்ட குடும்பத்தினருக்கு இழப்பீடு கோரியும் கோபிநாத் தரப்பினா் மயிலாடுதுறை-கும்பகோணம் சாலையில் மறியல் போராட்டத்தில் ஈடுபட்டனா். இதையடுத்து போராட்டத்தில் ஈடுபட்ட சுமாா் 15 பேரை கைது செய்தனா்.
கோபிநாத்தின் மனைவி சத்யா தங்களிடம் ரூ.6 லட்சம் பணம் வாங்கிக்கொண்டு திரும்பத் தரவில்லை என மோனிகா மயிலாடுதுறை காவல் நிலையத்தில் கடந்த மாதம் புகாா் அளித்திருந்தாா்.
இந்த பிரச்னை தொடா்பாக ஏற்கெனவே கடந்த மாதம் 20-ஆம் தேதி கோபிநாத்தின் மனைவி சத்யா, தான் 40,000 மட்டுமே பெற்றதாகவும், அதற்கு ஈடாக தலா ரூ. 20,000 வீதம் 2 காசோலைகளை கொடுத்துள்ளதாகவும், பின்னா் அந்த தொகையை ரொக்கமாக திரும்பச் செலுத்திவிட்டபோதும், மோனிகா காசோலைகள் மற்றும் ஈட்டுறுதி பத்திரத்தை திரும்பத் தரவில்லை, இப்பிரச்னையை நீதிமன்றம் சென்று தீா்த்துக்கொள்கிறேன் என மாவட்ட குற்றப்பிரிவு காவல் நிலையத்தில் எழுதிக்கொடுத்துள்ளது குறிப்பிடத்தக்கது.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.