விளையாட்டு செய்தி/ சென்னை சிட்டி யு – 15 கிரிக்கெட் கொட்டிவாக்கம் பள்ளி அபாரம்

சென்னை: சோமசுந்திரம் கோப்பை கிரிக்கெட் போட்டியில், கொட்டிவாக்கம் ராமச்சந்திரா பள்ளி, 177 ரன்கள் வித்தியாசத்தில், எபினேசர் பள்ளியை தோற்கடித்தது.

டி.என்.சி.ஏ., எனும் தமிழ்நாடு கிரிக்கெட் சங்கத்தின் சென்னை சிட்டி பள்ளிகளுக்கான யு – 14 சோமசுந்திரம் கோப்பை கிரிக்கெட் போட்டிகள் பல்வேறு மைதானங்களில் நடக்கின்றன.

திருவள்ளூரில் நேற்று நடந்த போட்டியில், கொட்டிவாக்கம் ராமச்சந்திரா பள்ளி, 50 ஓவர்களில் ஒன்பது விக்கெட் இழப்புக்கு, 287 ரன்கள் அடித்தது. அடுத்து பேட்டிங் செய்த, கொரட்டூர் எபினேசர் பள்ளி, 36.4 ஓவர்களில் ஆல் அவுட் ஆகி, 110 ரன்களில் ஆட்டமிழந்தது. இதனால், 177 ரன்கள் வித்தியாசத்தில் ராமச்சந்திரா பள்ளி வெற்றி பெற்றது.

ஆவடியில் நடந்த மற்றொரு ஆட்டத்தில், மயிலாப்பூர் வித்யா மந்திர் பள்ளி, குறைக்கப்பட்ட 23 ஓவர்களில் ஆறு விக்கெட் இழப்புக்கு, 99 ரன்கள் அடித்தது. அடுத்து விளையாடிய, கெருகம்பாக்கம் பி.எஸ்.பி.பி., பள்ளி, 17.4 ஓவர்களில் ஒரு விக்கெட் மட்டும் இழந்து, 101 ரன்கள் அடித்து, ஒன்பது விக்கெட் வித்தியாசத்தில் வெற்றி பெற்றது.