தனுஷின் 'ஓம்' ரிலீஸ் தள்ளிப்போகிறதா? நாளை தொடங்குகிறா D56? களத்தில் இறங்கிய தனுஷ் - பரபர அப்டேட்கள்

தனுஷின் 56வது படமான தமிழரசன் பச்சமுத்து இயக்கும் படத்தின் துவக்க விழா நாளை மதுரையில் நடைபெறுவதாக இருந்தது. ஆனால், மதுரையில் மீனாட்சி அம்மன் கோவிலின் மகா கும்பாபிஷேகம் 17ம் தேதி வருகிறது. இதனை முன்னிட்டு தனுஷின் படப்பூஜையை..

தனுஷின் 56 வது படமான 'லப்பர் பந்து' தமிழரசன் பச்சமுத்து இயக்க உள்ள படத்தின் படப்பூஜை மதுரையில் நாளை நடப்பதாக இருந்தது, இப்போது தள்ளிப்போயிருக்கிறது. இதற்கிடையே ராஜ்குமார் பெரியசாமியின் இயக்கத்தில் அவர் நடித்து வரும் 'ஓம்' படத்தின் ரிலீஸிலும் மாற்றம் வரவிருக்கிறது என்ற தகவல்கள் பரவி வருகின்றன.

தனுஷ் இப்போது ராஜ்குமார் பெரியசாமியின் இயக்கத்தில் 'ஓம்' படத்தில் நடித்து முடித்திருக்கிறார். இந்தப் படத்தில் தனுஷுடன் மம்மூட்டி, ஸ்ரீலீலா, சாய்பல்லவி, நஸ்ரூதின் ஷா, இந்திரன்ஸ் எனப் பலரும் நடித்துள்ளனார். மம்மூட்டியின் பிறந்தநாள் ஸ்பெஷலாக வெளியான 'ஓம்' படத்தில் மம்மூட்டியின் கதாபாத்திரமான பர்மா கார்த்திகேயன் இன்ட்ரோ வீடியோ வைரலானது.

அதனைத் தொடர்ந்து படத்தின் முதல் சிங்கிளும் தெலுங்கு, இந்தியிலும் வெளியாகி வைரலானது. 'ஓம்' படம் நிறைவடைந்திருக்கிறது. ஏற்கெனவே அறிவிக்கப்பட்ட அக்டோபர் 16 வெளியாகும் என்ற அறிவிப்பில் இப்போது மாற்றம் வரவிருக்கிறது என்கிறார்கள். ரஜினியின் 'ஜெயிலர் 2' அக்டோபர் 15ல் வெளியாவதால் 'ஓம்' ரிலீஸ் தள்ளிப்போகிறது என்றும், அனேகமாக நவம்பரில் திரைக்குக் கொண்டு வரலாமென தெரிகிறது. இதுகுறித்த அறிவிப்பு விரைவில் வெளியாகவிருக்கிறது.

இதனை அடுத்து தனுஷின் 56வது படமான தமிழரசன் பச்சமுத்து இயக்கும் படத்தின் துவக்க விழா நாளை மதுரையில் நடைபெறுவதாக இருந்தது. ஆனால், மதுரையில் மீனாட்சி அம்மன் கோவிலின் மகா கும்பாபிஷேகம் 17ம் தேதி வருகிறது. இதனை முன்னிட்டு தனுஷின் படப்பூஜையை வரும் 23 அல்லது 24ம் தேதிக்குத் தள்ளி வைக்கப்பட்டுள்ளதாகச் சொல்கிறார்கள்.

'ஆடுகளம்' படத்திற்குப் பின் தனுஷின் படப்பிடிப்பு முழுக்க முழுக்க மதுரையில் நடைபெறுகிறது. இந்தப் படத்தின் ப்ரீ புரொடக்ஷன் வேலைகளுக்காகப் பல மாதங்களுக்கு முன்னரே மதுரை சென்ற இயக்குநர் பட அலுவலகத்தையும் அங்கேயே வைத்துவிட்டார்.

மதுரை, மேலூரில் படப்பூஜை தொடக்கிய அன்றே, படப்பிடிப்பும் தொடங்குகிறது. தனுஷே இப்படத்தினை முதல்காப்பி அடிப்படையில் தயாரிக்கலாம் என்ற பேச்சும் இருக்கிறது. படத்திற்கு சாய் அபயங்கர் இசையமைக்கிறார். இதன் படப்பூஜையில் பங்கேற்பதற்கு முன்னர் தனது குலதெய்வ கோவிலுக்குச் சென்ற தனுஷ், இன்று சென்னை திரும்பியிருக்கிறார். இன்னும் சில தினங்களில் அடுத்தடுத்த அப்டேட்கள் காத்திருக்கிறது என்கிறார்கள்.