80s Photo Trend | இது ஏஐ 80’ஸ் அல்ல…. ரியல் 80’ஸ் புகைப்படம்.. நடிகை குஷ்புவின் அழகிய ரெட்ரோ போட்டோஸ்!

80’ஸ் புகைப்படங்களின் ட்ரெண்ட் சமூக வலைதளங்களை ஆக்கிரமித்துள்ள நிலையில், தனது ஒரிஜினல் 80’ஸ் புகைப்படங்களை நடிகை குஷ்பு வெளியிட்டுள்ளார்.

கடந்த 1988-ம் ஆண்டு ரஜினிகாந்த் நடிப்பில் வெளியான ‘தர்மத்தின் தலைவன்’ படத்தின் மூலம் தமிழ் சினிமாவில் நடிகையாக அறிமுகமானார் குஷ்பு. 80களின் இறுதியில் திரைத்துறையில் அறிமுகமாகி தமிழ் சினிமாவில் முன்னணி நாயகியாக வலம் வந்தவர் நடிகை குஷ்பு. ரஜினி, கமல், விஜய், அஜித் உள்ளிட்ட முன்னணி நடிகர்களுடன் நடித்தவர்.

இந்தி, தெலுங்கு, கன்னடம், மலையாளம் என பான் இந்தியா நடிகராக வலம் வந்தார் குஷ்பு. 2000-க்குப் பிறகு சினிமாவில் நடிப்பதை குறைத்துக் கொண்டார். சிறப்பு தோற்றத்திலும், நடன காட்சிகளிலும் நடித்தார். விஜயின் ‘வாரிசு’ படத்தில் குஷ்பு நடித்திருந்தார். ஆனால், அவர் நடித்த காட்சிகள் நீக்கப்பட்டது குறித்தும் பேசியிருந்தார். கடைசியாக ‘டபுள் ஆக்குபன்சி’ படத்தில் குஷ்பு நடித்திருந்தார்.

இந்நிலையில், சமூக வலைதளங்களில் பரவி வரும் ஏஐ-ஆல் உருவாக்கப்பட்ட 80ஸ் ட்ரெண்டிங் போட்டோவில் இணைந்துள்ளார் குஷ்பு. பலரும் 80களில் இப்படி தான் இருந்திருப்போம் என ஏஐ உதவியுடன் புகைப்படங்களை பகிர்ந்து வரும் நிலையில், உண்மையான 80ஸ் புகைப்படங்களை பகிர்ந்துள்ளார் நடிகை குஷ்பு.

இது தொடர்பாக அவர் தனது இன்ஸ்டாகிராம் பக்கத்தில் வெளியிட்ட பதிவில், “இந்த புகைப்படங்கள் மெட்டா, ஏஐ ஆல் உருவாக்கப்படவில்லை. இது உண்மையான 80ஸ் படங்கள்” என தெரிவித்துள்ளார். குஷ்புவின் அழகிய வின்டேஜ் புகைப்படங்கள் சமூக வலைதளங்களில் வைரலாகி வருகின்றன.