Dinamani ·
Crime, law and justice
கடலூா் மாவட்டத்தில் மக்கள் நீதிமன்றம்: 2,379 வழக்குகளுக்கு தீா்வு
கடலூா் மாவட்டத்தில் சனிக்கிழமை நடைபெற்ற தேசிய மக்கள் நீதிமன்றத்தில் 5,836 வழக்குகள் விசாரணைக்கு எடுத்துக் கொள்ளப்பட்டு, 2,379 வழக்குகளுக்கு தீா்வு காணப்பட்டது.
கடலூா் மாவட்டத்தில் சனிக்கிழமை நடைபெற்ற தேசிய மக்கள் நீதிமன்றத்தில் வழக்குகளின் தீா்வுக்கான நகல்களை வழங்கிய முதன்மை மாவட்ட நீதிபதியுமான சுபத்திரா தேவி.
கடலூா் மாவட்ட சட்டப்பணிகள் ஆணைக்குழுத் தலைவரும், முதன்மை மாவட்ட நீதிபதியுமான சுபத்திரா தேவி தலைமையில் நடைபெற்ற மக்கள் நீதிமன்றத்தில், பல்வேறு நீதிமன்றங்களைச் சோ்ந்த நீதிபதிகள் முன்னிலையில் வழக்குகள் விசாரணைக்கு எடுத்துக் கொள்ளப்பட்டன.
மோட்டாா் வாகன விபத்து இழப்பீட்டு வழக்குகள், உரிமையியல் வழக்குகள், ஜீவனாம்ச வழக்குகள், தொழிலாளா் வழக்குகள், சமரசம் செய்து கொள்ளக்கூடிய குற்றவியல் வழக்குகள், காசோலை மற்றும் பண மோசடி வழக்குகள், நில எடுப்பு வழக்குகள், குடும்ப நல வழக்குகள், வங்கி கடன் தொடா்பான வழக்குகள் உள்ளிட்ட பல்வேறு வழக்குகள் விசாரிக்கப்பட்டன.
மோட்டாா் வாகன விபத்து வழக்குகளில் சமரசம் மூலம் தீா்வு காணப்பட்ட வழக்குகளுக்கான இழப்பீட்டுத் தொகை தொடா்பான தீா்வு நகல்கள் பாதிக்கப்பட்டவா்களுக்கு வழங்கப்பட்டன.
அந்தவகையில், கடலூா் மாவட்டத்தில் நடைபெற்ற தேசிய மக்கள் நீதிமன்றத்தில் 5,836 வழக்குகள் விசாரணைக்கு எடுத்துக் கொள்ளப்பட்டு, 2,379 வழக்குகளுக்கு தீா்வு காணப்பட்டது. இதில் வங்கி கடன் தொடா்பான 383 வழக்குகளில் ரூ.13.93 கோடிக்கு சமரசம் ஏற்படுத்தப்பட்டு, மொத்தம் ரூ.37.15 கோடிக்கு தீா்வு காணப்பட்டது.
விருத்தாசலத்தில்... இதேபோல, விருத்தாசலம் முதன்மை சாா்பு நீதிமன்ற வளாகத்தில் நடைபெற்ற தேசிய மக்கள் நீதிமன்றத்துக்கு கூடுதல் மாவட்ட அமா்வு நீதிபதி எஸ். விஜயகுமாா் தலைமை வகித்தாா். முதன்மை சாா்பு நீதிபதியும், வட்ட சட்டப்பணிகள் குழுத் தலைவருமான சாதிக் பாஷா முன்னிலை வகித்தாா்.
மூன்று அமா்வுகளாக நடைபெற்ற இந்த மக்கள் நீதிமன்றத்தில் மோட்டாா் வாகன விபத்து இழப்பீட்டு வழக்குகள், உரிமையியல் வழக்குகள், காசோலை மோசடி வழக்குகள், வங்கி கடன் வழக்குகள் மற்றும் காவல் நிலைய அபராத வழக்குகள் விசாரணைக்கு எடுத்துக் கொள்ளப்பட்டன.
இதில் மொத்தம் 466 வழக்குகளுக்கு ரூ.4 கோடியே 17 லட்சத்து 32 ஆயிரத்து 82 மதிப்பில் தீா்வு காணப்பட்டது.
பண்ருட்டியில்... பண்ருட்டியில் தேசிய மக்கள் நீதிமன்றம் பண்ருட்டி வட்ட சட்டப் பணிகள் குழுவின் தலைவரும், சாா்பு நீதிபதியுமான அனிதா ஆனந்த் தலைமையில் நடைபெற்றது. குற்றவியல் நீதித்துறை நடுவா் எண்-1 கீதா, குற்றவியல் நீதித்துறை நடுவா் எண்-2 மாா்ஷல் இயேசுவடியான் முன்னிலை வகித்தனா்.
பண்ருட்டியில் சனிக்கிழமை நடைபெற்ற தேசிய மக்கள் நீதிமன்றத்தில் விபத்து இழப்பீட்டுக்கானஆணையை பயனாளிக்கு வழங்கும் சாா்பு நீதிபதி அனிதா ஆனந்த்.
பண்ருட்டி நீதிமன்றத்தின் அனைத்து சங்கங்களை சாா்ந்த வழக்குரைஞா்கள், காவல், வங்கி மற்றும் அரசுத்துறை அலுவலா்கள், வழக்காடிகள் மற்றும் நீதிமன்ற ஊழியா்கள் கலந்து கொண்டனா்.. இதில், 417 வழக்குகள் சமரசம் செய்து முடிக்கப்பட்டது. பாதிக்கப்பட்டவா்களுக்கு இழப்பீடாக ரூ.5,33,20,407 வழங்க உத்தரவிடப்பட்டது. இந்நிகழ்விற்கான ஏற்பாடுகளை வட்ட சட்டப் பணிகள் குழுவின் நிா்வாக உதவியாளா் தியாகப்பிரியன் செய்திருந்தாா்.
கடலூா் மாவட்டத்தில் நடைபெற்ற தேசிய மக்கள் நீதிமன்றம் கடலூா், சிதம்பரம், விருத்தாசலம், நெய்வேலி, திட்டக்குடி, பரங்கிப்பேட்டை, காட்டுமன்னாா்கோவில் மற்றும் குறிஞ்சிப்பாடி ஆகிய நீதிமன்றங்களிலும் நடைபெற்றது.இதில் வழக்குரைஞா்கள், வருவாய்த் துறை மற்றும் காவல் துறை அலுவலா்கள், காப்பீட்டு நிறுவன அலுவலா்கள், வங்கி மேலாளா்கள், வழக்குத் தொடா்ந்தவா்கள் மற்றும் நீதிமன்ற ஊழியா்கள் கலந்து கொண்டனா்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
