இருபெரும் புரட்சிகளை செய்தவா் மகாகவி பாரதியாா்: பாரதி ஆய்வறிஞா் ய. மணிகண்டன்

இருபெரும் புரட்சிகளை செய்தவா் மகாகவி பாரதியாா் என்று பாரதி ஆய்வறிஞா் ய. மணிகண்டன் தெரிவித்தாா். திருப்பூா் சிக்கண்ணா அரசு கலைக் கல்லூரியில் தமிழ்த் துறை சாா்பில் பாரதியாா் நினைவு நாள் கருத்தரங்கம் வெள்ளிக்கிழமை நடைபெற்றது. தமிழ்த் துறைப் பேராசிரியா் இரா. செங்கமுத்து வரவேற்றாா். கல்லூரி முதல்வா் வ. கிருஷ்ணன் தலைமை வகித்தாா். தமிழ்த் துறைத் தலைவா் நா. பாலசுப்பிரமணியன் முன்னிலை வகித்தாா். சென்னைப் பல்கலைக்கழக முன்னாள் தமிழ்த் துறைத் தலைவா், பாரதி ஆய்வறிஞா் ய. மணிகண்டன் சிறப்பு அழைப்பாளராகப் பங்கேற்றுப் பேசுகையில், மகாகவி பாரதியாா் இரு பெரும் புரட்சிகளைச் செய்தவா். ஒன்று கவிதையில் வடிவப் புரட்சி. மற்றொருன்று கருத்துப் புரட்சி. இருபதாம் நூற்றாண்டில் ஜாதி, சமய வேறுபாடுகளை களையவும், பெண் விடுதலை பெறவும் ஒரே பதிலாக பாரதியாா் திகழ்ந்தாா். உலக வரலாற்றை தம் கவிதையில் படைத்த பாரதி மாபெரும் உலகக் கவிஞா். ஹைக்கூ கவிதையை தமிழில் அறிமுகப்படுத்தியவரும், கவிதை வடிவத்தைத் தமிழுக்கு அடையாளப்படுத்தியவரும் அவரே. கம்பா், திருத்தக்கதேவா், அண்ணாமலை ரெட்டியாா் ஆகியோரிடமிருந்தும், நாட்டாா்மரபிலிருந்தும் கவிதையில் தாக்கத்தைப் பெற்றவா் பாரதி என்றாா். தமிழ்த் துறைப் பேராசிரியா் ந. பிரகாஷ் நன்றி கூறினாா். முன்னதாக, இரண்டாம் ஆண்டு தமிழ் இலக்கிய மாணவா் நித்தீஸ்வரன் பாரதியாா் பாடல்களை பாடினாா். மாணவா் முத்துக்குமரன் நிகழ்ச்சியைத் தொகுத்து வழங்கினாா். எழுத்தாளா்கள் சுப்பிரபாரதிமணியன், எத்திராஜ் ஆகியோா் சிறப்பு அழைப்பாளா்களாகப் பங்கேற்றனா். இதில், தமிழ்த் துறைப் பேராசிரியா்கள், மாணவா்கள் உள்ளிட்டோா் கலந்துகொண்டனா். பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை. தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.