37-வது ஷாங்காய் சுற்றுலா விழா கோலாகல தொடக்கம்

சீனாவில் 37-வது ஷாங்காய் சுற்றுலா விழா, ஹுவாங்பு (Huangpu) நதிக்கரையில் வண்ணமயமான பிரம்மாண்ட அணிவகுப்புடன் தொடங்கியது. உள்நாட்டைச் சேர்ந்தவர்களுடன், பெரு, மெக்சிகோ, ஸ்பெயின், தாய்லாந்து நாடுகளைச் சேர்ந்த கலைக்குழுவினரும் பல்வேறு நிகழ்ச்சிகளை நடத்தினர். உள்நாடு மற்றும் வெளிநாடுகளைச் சேர்ந்த 21 அலங்கார ஊர்திகளும் அணிவகுப்பில் பங்கேற்றன. அக்டோபர் 6-ஆம் தேதி வரை சுற்றுலா விழா நடைபெற உள்ள நிலையில், 170-க்கும் மேற்பட்ட கலாசார மற்றும் சுற்றுலா சார்ந்த நிகழ்ச்சிகளுக்கு ஏற்பாடு செய்யப்பட்டுள்ளன. சுற்றுலா விழாவில், உலகப்புகழ் பெற்ற உணவகங்களுடன் இணைந்து உணவுத் திருவிழாவும், கிராண்ட் ப்ரீ கார் பந்தயமும் நடைபெற உள்ளன.