தாயாரை உருட்டுக்கட்டையால் அடித்துக் கொன்ற மகன் கைது..!

அரக்கோணம் அருகே, வேலைக்குச் செல்லாமல் இருப்பதை கண்டித்தத் தாயாரை கட்டையால் அடித்துக் கொன்ற மகனை போலீசார் கைது செய்தனர். பைக் பழுது நீக்கும் கடை நடத்திவந்த முனிசாமி, 6 மாதங்களாக கடையைத் திறக்காமல் ஊதாரியாகச் சுற்றித் திரிந்ததை தாயார் தனலட்சுமி தட்டிக்கேட்டதால், முனிசாமி அவரை உருட்டுக்கட்டையால் தலையில் ஓங்கி அடித்ததாக கூறப்படுகிறது. தடுக்க முயன்ற மனைவி மீனாவும் பலத்த காயமடைந்தார்.