Dinamani ·
பாஜக ஆட்சி நடைபெறாத மாநிலங்களில் அதானி குழுமம் ரூ.5 லட்சம் கோடி முதலீடு
தமிழ்நாடு, கா்நாடகம், தெலங்கானா, கேரளம், ஆந்திரம் என தவெக, காங்கிரஸ் மற்றும் தெலுங்கு தேசம் கட்சிகளின் ஆட்சி நடைபெறும் மாநிலங்கள் பொருளாதார மேம்பாடு, உள்கட்டமைப்பு மற்றும் வேலைவாய்ப்பு உருவாக்கத்துக்காக தனியாா் முதலீடுகளை ஈா்க்க முயற்சிகள் மேற்கொள்வதாக தகவலறிந்த வட்டாரங்கள் தெரிவித்தன.
இதுகுறித்து தகவலறிந்த வட்டாரங்கள் மேலும் கூறியதாவது:
கா்நாடகம்: கா்நாடக தலைநகா் பெங்களூரில் போக்குவரத்து நெரிசலைக் குறைக்க ஹெப்பல் மற்றும் மத்திய பட்டு வாரியத்துக்கு இடையே 16.75 கி.மீ. நீளத்தில் அமைக்கப்படவுள்ள வடக்கு-தெற்கு சுரங்கப் பாதை பணிகளுக்கு ரூ.22,267 கோடிக்கான டெண்டா் உரிமங்களை அதானி குழுமம் கோரியுள்ளது. இதற்கான ஒப்பந்தம் தற்போது வரை இறுதியாகவில்லை.
