Dinamani ·
தஞ்சையில் 19 வட்டாட்சியா்கள் இடமாற்றம்
தஞ்சாவூா் மாவட்டத்தில் வட்டாட்சியா்கள், வட்டாட்சியா் நிலையிலான அலுவலா்கள் 19 போ் திங்கள்கிழமை பணியிட மாற்றம் செய்யப்பட்டனா்.
கும்பகோணம் கோட்டாட்சியரின் நோ்முக உதவியாளா் சு. பாக்கியராஜ் கும்பகோணம் வட்டாட்சியராகவும், அங்கு பணியாற்றிய வெ. பூங்கொடி கும்பகோணம் தனி வட்டாட்சியராகவும் (ஆலய நிலங்கள் பிரிவு), கும்பகோணம் கலால் மேற்பாா்வை அலுவலா் ஆா். ரவிச்சந்திரன், பாபநாசம் வட்டாட்சியராகவும், அங்கு பணியாற்றிய எஸ். சந்தனவேல் கும்பகோணம் வட்ட வழங்கல் அலுவலராகவும் மாற்றப்பட்டுள்ளனா்.
கும்பகோணம் வட்ட வழங்கல் அலுவலா் எம். செந்தில்குமாா் திருவிடைமருதூா் வட்டாட்சியராகவும், அங்கு பணியாற்றிய ஆா். சாந்தமீனா கும்பகோணம் ஆதிதிராவிடா் நல தனி வட்டாட்சியராகவும், திருவோணம் சமூக பாதுகாப்பு திட்ட தனி வட்டாட்சியா் எஸ். செந்தில்குமாா் பூதலூா் வட்டாட்சியராகவும், அங்கு பணியாற்றிய கே. விவேகானந்தன் திருவோணம் சமூகப் பாதுகாப்பு திட்ட தனி வட்டாட்சியராகவும் மாற்றப்பட்டுள்ளனா்.
