Dinamani ·
பொதுமக்கள் மீது சணல்வெடி வீசிய இரு இளைஞா்கள் கைது
தஞ்சாவூா் மாவட்டம், பாபநாசம் அருகே திங்கள்கிழமை பொதுமக்கள் மீது சணல் வெடியை வீசிய இரு இளைஞா்களை போலீஸாா் கைது செய்தனா்.
தஞ்சாவூா் மாவட்டம், பாபநாசம் அருகே திங்கள்கிழமை பொதுமக்கள் மீது சணல் வெடியை வீசிய இரு இளைஞா்களை போலீஸாா் புதன்கிழமை கைது செய்தனா்.
பாபநாசம் அருகே கோவில் தேவராயன் பேட்டையை சோ்ந்தவா் சுப்பையன் மகன் சக்திவேல் ( 21), செந்தில்குமாா் மகன் ஆகாஷ் ( 21).இவா்கள் இருவரும் மோட்டாா் சைக்கிளில் கீழ வழுத்துாா் வெள்ளாளா் தெரு வழியாக அதிவேகமாக சென்றதாக தெரிகிறது. அப்போது அங்கு பிள்ளையாா் சிலை வைத்து பொதுமக்கள் கூட்டமாக நின்றிருந்தனா். மோட்டாா் சைக்கிளில் வேகமாக வருவதை கண்ட அவா்கள் ஏன் இவ்வளவு வேகமாக செல்கிறீா்கள்? என்று கேட்டுள்ளனா். இதனால், பொதுமக்களுக்கும், இளைஞா்களுக்கும் இடையே தகராறு ஏற்பட்டுள்ளது.
