Puthiya Thalaimurai ·
Chip உலகின் Super Powers.. அதிக வருவாய் ஈட்டும் TOP நிறுவனங்கள்!
செமிகண்டக்டர் சிப்புகள் நவீன உலகின் முதுகெலும்பாக இருக்கும் நிலையில், வருவாய் அடிப்படையில் முன்னிலை வகிக்கும் நிறுவனங்கள் பட்டியல் வெளியானது. அமெரிக்காவின் என்விடியா 125.7 பில்லியன் டாலர் வருவாயுடன் முதலிடம் பிடிக்க, தென்கொரியாவின் சாம்சங் 72.5 பில்லியனுடன் 2ஆம் இடம், எஸ்கே ஹைனிக்ஸ் 60.6 பில்லியனுடன் 3ஆம் இடம் பெற்றுள்ளன.
செமி கண்டக்டர் சிப்புகளே நவீன உலகின் இயக்கு சக்தியாக உள்ளன. இந்நிலையில் செமி கண்டக்டர் சிப்புகள் விற்பனையில் உலகளவில் சிறந்து விளங்கும் நிறுவனங்களை அவற்றின் வருவாய் வரிசைப்படி இன்ஃபோ ஜி பகுதியில் பார்க்கலாம்.
அமெரிக்காவை சேர்ந்த என்விடியா நிறுவனம் 125.7 பில்லியன் டாலர் வருவாயுடன் உலகின் மாபெரும் செமிகண்டக்டர் சிப் நிறுவனமாக திகழ்கிறது . தென்கொரியாவின் சாம்சங் 72.5 பில்லியன் டாலர் வருவாயுடன் 2ஆம் இடத்தில் உள்ளது. தென்கொரியாவை சேர்ந்த எஸ்கே ஹைனிக்ஸ் நிறுவனம் 60.6 பில்லியன் டாலர் வருவாயுடன் 3ஆவது இடத்தை பெற்றுள்ளது. இதையடுத்த 6 இடங்களையும் அமெரிக்க நிறுவனங்களே பெற்றுள்ளன.
