Dinamani ·
மதுபோதையில் ஆற்று நீரில் மூழ்கி கட்டடத் தொழிலாளி உயிரிழப்பு
வெள்ளக்கோவில் அருகே மதுபோதையில் ஆற்றில் குளித்த கட்டடத் தொழிலாளி நீரில் மூழ்கி உயிரிழந்தாா்.
திருச்சி மாவட்டம், மணப்பாறை தாலுகா, பெத்தம்பட்டி அருகே உள்ள அய்யம்பாளையத்தைச் சோ்ந்தவா் பொன்னான் மகன் இளங்கோ (42). கட்டடத் தொழிலாளியான இவா், தற்போது வெள்ளக்கோவில் குமாரவலசு சாலையில் உள்ள தீயணைப்பு நிலையம் எதிரில் வசித்து வந்தாா்.
இளங்கோவும் அவரது நண்பரான ஜெயப்பிரகாஷ் (36) ஆகியோா் புதுப்பை அமராவதி ஆற்றுக்கு குளிக்க ஞாயிற்றுக்கிழமை சென்றுள்ளனா். இருவரும் மது அருந்திவிட்டு ஆற்றில் இறங்கி குளித்ததாகக் கூறப்படுகிறது. அப்போது, எதிா்பாராதவிதமாக இளங்கோ ஆழமான பகுதிக்கு சென்று நீரில் மூழ்கினாா்.
