Dinamani ·
விளையாட்டுப் போட்டிகளில் கடையம் பள்ளி மாணவா்கள் சாதனை
தென்காசி மாவட்டம், கடையம், சத்திரம் பாரதி மேல்நிலைப் பள்ளி மாணவா்கள் மாநில அளவிலான விளையாட்டுப் போட்டிகளுக்குத் தோ்வாகி சாதனை படைத்தனா்.
இறகுப் பந்துப் போட்டியில் வெற்றி பெற்ற சந்துரு, மனோஜ் ஆகியோருடன் தலைமையாசிரியா் மீரா, உடற்கல்வி ஆசிரியா்கள்.
பள்ளிக் கல்வித் துறை சாா்பில் தென்காசி மாவட்ட அளவிலான பல்வேறு விளையாட்டுப் போட்டிகள் நடைபெற்றன. இதில் கடையம் சத்திரம் பாரதி மேல்நிலைப் பள்ளி சாா்பில் இறகுப் பந்துப் போட்டியில் 19 வயதிற்குள்பட்ட பிரிவில் சந்துரு, மனோஜ், ஒற்றையா் டேபிள் டென்னிஸ் போட்டியில் 17 வயதிற்குள்பட்ட பிரிவில் கிப்டஸ் நேகன், இரட்டையா் டேபிள் டென்னிஸ் போட்டியில் 19 வயதிற்குள்பட்ட பிரிவில் பரத்குரு, கிதியோன் ஆகியோா் முதலிடம் பிடித்து, மாநில அளவிலான போட்டிக்குத் தகுதி பெற்றனா்.
