Daily Thanthi ·
இன்று பிறந்தநாள் கொண்டாடும் நட்சத்திரங்கள்... ஒரு ஸ்பெஷல் பார்வை!
திரையுலகில் தனக்கென தனி இடத்தைப் பிடித்துள்ள பல பிரபலங்கள் இன்று செப்டம்பர் 10-ம் தேதி பிறந்தநாளை கொண்டாடுகின்றனர். அந்த வகையில் நடிகை அபர்ணா தாஸ், இயக்குநர் அனுராக் காஷ்யப், நடிகர் அதுல் குல்கர்னி, பாடகி சின்மயி, நடிகர் ரவி மோகன் மற்றும் நடிகை மஞ்சு வாரியர் ஆகியோர் இன்று பிறந்தநாள் காணுகின்றனர்.
தமிழ் மற்றும் மலையாள திரையுலகில் கவனம் பெற்றுவரும் நடிகை அபர்ணா தாஸ், 1995-ம் ஆண்டு செப்டம்பர் 10-ம் தேதி பிறந்தவர். ‘நான் பிரகாஷன்’ படத்தின் மூலம் மலையாளத்திலும், ‘பீஸ்ட்’ படத்தின் மூலம் தமிழிலும் அறிமுகமான இவர், ‘டாடா’ திரைப்படத்தில் தனது நடிப்பால் ரசிகர்களின் கவனத்தை ஈர்த்தார்.
பாலிவுட்டில் தனித்துவமான திரைப்படங்களை உருவாக்கிய இயக்குநர், திரைக்கதை ஆசிரியர் மற்றும் நடிகர் அனுராக் காஷ்யப், 1972-ம் ஆண்டு செப்டம்பர் 10-ம் தேதி பிறந்தவர். ‘சத்யா’ படத்தின் மூலம் எழுத்தாளராக முக்கிய கவனம் பெற்ற இவர், ‘கேங்ஸ் ஆஃப் வாசேபூர்’, ‘ராமன் ராகவ் 2.0’, ‘மன்மர்சியான்’ உள்ளிட்ட படங்களின் மூலம் தனக்கென ஒரு பாணியை உருவாக்கியுள்ளார்.
