Dinamani ·
கண்காணிப்பில் சாலைகள்!
இந்தியாவில் நிகழும் சாலை விபத்துகள் குறித்த தலையங்கம்....
இந்தியாவில் சாலை விபத்துகள் பெரும் பிரச்னையாக தொடர்கிறது. சாலைப் போக்குவரத்து மற்றும் நெடுஞ்சாலைகள் அமைச்சக தகவலின்படி, நிகழாண்டு ஜூலை மாதம் வரை நாட்டில் 2.96 லட்சம் சாலை விபத்துகளும், அவற்றால் 1.01 லட்சம் உயிரிழப்புகளும் பதிவாகியுள்ளன.
இவற்றில் அதிக விபத்துகள் பதிவான மாநிலங்களில் தமிழகம் முதலிடத்தில் உள்ளது என்பது வருத்தத்துக்குரியது. நிகழாண்டு ஜூலை மாதம் வரை தமிழகத்தில் 39,666 சாலை விபத்துகள் நிகழ்ந்துள்ளன; 34,847 விபத்துகளுடன் மத்திய பிரதேசம் இரண்டாம் இடத்தில் உள்ளது.
அதேநேரத்தில், சாலை விபத்து மரணங்கள் பட்டியலில் 14,794 மரணங்களுடன் உத்தர பிரதேசம் முதலிடத்தில் உள்ளது என்றால், 10,298 உயிரிழப்புகளுடன் தமிழகம் இரண்டாம் இடத்தில் உள்ளது. சாலை விபத்துகளில் பெரும்பாலானவை விரைவுச் சாலைகளை உள்ளடக்கிய தேசிய நெடுஞ்சாலைகளில்தான் நிகழ்ந்துள்ளன. அந்த வகையில், உத்தர பிரதேசம் 7,575 விபத்துகளுடன் முதலிடத்திலும், தமிழகம் 3,520 விபத்துகளுடன் நான்காம் இடத்திலும் உள்ளது.
