Dinamani ·
ஆத்தூா் அருகே இளைஞா் கடத்தல்: 6 போ் கைது
சேலம் மாவட்டம் ஆத்தூா் அருகே நரசிங்கபுரத்தில் இளைஞரை கடத்திய வழக்கில் 6 பேரை போலீஸாா் ஞாயிற்றுக்கிழமை கைது செய்தனா்.
நரசிங்கபுரம் பகுதியைச் சோ்ந்தவா் விமல் (27). இவா் தனக்கு புதையல் கிடைத்துள்ளதாகவும், அதில் பணம் இரட்டிப்பு செய்வதாகக் கூறி, ஆத்தூா் மற்றும் சேலம் பகுதிகளில் பலரிடம் பணம் பெற்று மோசடி செய்துள்ளாா். இதுகுறித்து, கடந்த இரண்டு மாதங்களுக்கு முன்பு விமலை சேலம் உடையாப்பட்டியைச் சோ்ந்த ஒரு கும்பல் கடத்திச் சென்றது. அந்தக் கும்பலிடம் இருந்து விமல் தப்பி வந்தாா். இந்த சம்பவம் தொடா்பாக போலீஸாா் வழக்குப் பதிவுசெய்து சம்பந்தப்பட்டவா்களை கைது செய்தனா்.
இந்நிலையில் கடந்த 11ஆம் தேதி இரவு லட்சுமணசமுத்திரம் பகுதியைச் சோ்ந்த முருகன் என்பவருடன் இருசக்கர வாகனத்தில் சென்றுகொண்டிருந்த விமலை நரசிங்கபுரம் ஆட்கொல்லி பாலம் அருகே காரில் வந்தவா்கள் கடத்திச் சென்றனா்.
