Puthiya Thalaimurai ·
புதின் கூறிய ஒற்றை வார்த்தை.. பீதியில் ஐரோப்பிய நாடுகள்.. பெரும் அச்சத்தில் பிரிட்டன்!
கடந்த 4 ஆண்டுகளுக்கு முன்னர் உக்ரைன் மீது ரஷ்யா படையெடுத்தது. இதனைத் தொடர்ந்து உக்ரைனுக்கு ஆதரவாக ஐரோப்பிய நாடுகள் களமிறங்கின. மேலும் நேட்டோ அமைப்பும் உக்ரைனுக்கு ஆதரவாக தங்கள் ராணுவ உதவிகளை வழங்கி வருகிறது.
அதுமட்டுமன்றி, ஐரோப்பிய நாடுகள் மற்றும் அமெரிக்கா ஆகியவை ரஷ்யா மீது ஏராளமான பொருளாதாரத் தடைகளை விதித்துள்ளன. ரஷ்யாவின் முக்கிய வருமானமாக கச்சா எண்ணெய் ஏற்றுமதி உள்ள நிலையில், அதனை ஏற்றுமதி செய்ய மேற்கத்திய நாடுகள் பல்வேறு கட்டுப்பாடுகளை விதித்துள்ளன.
இதன் காரணமாக ரஷ்யா ஐரோப்பிய நாடுகள் மீது கடும் அதிருப்தியில் உள்ளதாக கூறப்படுகிறது. அதிலும் குறிப்பாக ஐரோப்பிய நாடுகளிலேயே உக்ரைனுக்கு பிரிட்டன் அதிக ராணுவ உதவிகளை வழங்கி வருகிறது. மேலும் முக்கிய உளவுத்தகவல்களையும் பிரிட்டன் உக்ரைனுக்கு வழங்கியுள்ளது.
