மோட்டார் ஸ்போர்ட்ஸுக்கு முக்கியத்துவம் அளித்த முதலமைச்சர் விஜய்க்கு நடிகர் அஜித் நன்றி

தமிழகத்தில் விளையாட்டுத் துறையின் வளர்ச்சிக்கும், மோட்டார் ஸ்போர்ட்ஸுக்கான உள்கட்டமைப்பு மேம்பாட்டுக்கும் முக்கியத்துவம் அளித்த விஜய்க்கு நடிகர் அஜித்குமார் நன்றி

தமிழகத்தில் விளையாட்டுத் துறையின் வளர்ச்சிக்கு, குறிப்பாக மோட்டார் ஸ்போர்ட்ஸுக்கு முக்கியத்துவம் அளித்து உள்கட்டமைப்பு வசதிகளை மேம்படுத்த தமிழக அரசு எடுத்துள்ள முயற்சிகளுக்கு நடிகர் அஜித்குமார் நன்றி தெரிவித்துள்ளார்.

இதுகுறித்து நேர்காணல் ஒன்றில் பேசிய அஜித் குமார், “தமிழக முதலமைச்சர் விஜய்க்கு எனது மனமார்ந்த நன்றியைத் தெரிவித்துக் கொள்கிறேன். அனைத்து விளையாட்டுத் துறைகளுக்கும், குறிப்பாக மோட்டார் ஸ்போர்ட்ஸுக்கும் மிகவும் தேவையான கவனத்தை அளித்து, உள்கட்டமைப்பு வசதிகளை மேம்படுத்த தமிழக அரசு மேற்கொள்ளும் முயற்சிகளை அறிவித்திருப்பது மகிழ்ச்சி அளிக்கிறது.

நானும் தற்போது மோட்டார் ஸ்போர்ட்ஸில் ஈடுபட்டு வருவதால், விண்வெளி வீரர் நீல் ஆம்ஸ்ட்ராங்கின் புகழ்பெற்ற வார்த்தைகளை சற்று மாற்றிக் கூற விரும்புகிறேன். ‘தமிழக அரசின் ஒரு சிறிய முன்னெடுப்பு, இந்திய மோட்டார் ஸ்போர்ட்ஸுக்கு ஒரு மிகப்பெரிய முன்னேற்றம்’ என்று கூறலாம்.

முதலமைச்சர் விஜயின் அனைத்து முயற்சிகளும் வெற்றி பெற எனது வாழ்த்துகளைத் தெரிவித்துக் கொள்கிறேன்” என அஜித் குமார் தெரிவித்துள்ளார்.