Nakkheeran · 16 Sept, 17:53

Science and technology

"விண்வெளியில் ஆயுதங்களைக் குவிக்கும் அமெரிக்கா"; அச்சத்தில் உலக நாடுகள்

எதிர்​காலத்தில் உலக நாடுகளுக்கிடையிலான போர்கள், விண்​வெளியை மைய​மாக கொண்டே நடைபெறும் என்று சர்​வ​தேச பாது​காப்பு நிபுணர்​கள் எச்சரிக்கை விடுத்​திருந்தனர். இதையடுத்து, கடந்த 2019 ஆம் ஆண்டில் அமெரிக்கா, விண்​வெளி பாதுகாப்புப்படையை தொடங்கியது. அதே போல, ரஷ்யா, சீனா, பிரான்​ஸ், பிரிட்​டன் மற்றும் இந்தியா உள்​ளிட்ட நாடு​களும் விண்​வெளி படைகளைத் தொடங்கின.

இந்நிலையில், சர்வதேச விண்வெளிப் பாதுகாப்பு வரலாற்றைப் புரட்டிப்போடும் வகையில், பூமிக்கு மேலே விண்வெளி மண்டலத்தில் தற்காப்பு மற்றும் தாக்குதல் நோக்கிலான 'ஆன்-ஆர்பிட்' விண்வெளி கட்டுப்பாட்டு ஆயுதங்களை நிலைநிறுத்தியுள்ளதாக, முதன்முறையாக அமெரிக்கா அதிகாரப்பூர்வமாக ஒப்புக்கொண்டுள்ளது.

மேரிலாந்து மாகாணம் நேஷனல் ஹார்பரில் நடைபெற்ற விண்வெளி மற்றும் இணைய மாநாட்டில் கலந்து கொண்டு பேசிய அமெரிக்க விண்வெளித்துறை செயலாளர் டிராய் மெய்ங்க் இந்த அதிரடி அறிவிப்பை வெளியிட்டார். இது குறித்து அவர் பேசுகையில், ”விண்வெளி சார்ந்த அச்சுறுத்தல்கள் அதிகரித்து வருகின்றன. எதிரி​களின் அச்சுறுத்தல்​களை முறியடிக்க அமெரிக்க விண்​வெளி படை சார்பில், விண்​வெளி​யில் ஆயுதங்​கள் நிலை நிறுத்​தப்​பட்டு உள்ளன” என்று தெரிவித்தார்.

இதுவரை விண்வெளியில் ஆயுதங்கள் இருப்பதை ரகசியமாக வைத்திருந்த அமெரிக்கா, தற்போது அதை வெளிப்படையாக ஒப்புக்கொண்டிருப்பது உலக அரங்கில் பெரும் அதிர்ச்சியை ஏற்படுத்தியுள்ளது. எனினும் இந்த கருத்துக்குச் சீனா, ரஷ்யா உள்ளிட்ட நாடுகள் கடும் எதிர்ப்பு தெரிவித்துள்ளன.

அதன்படி, சீன வெளி​யுறவுத் துறை செய்​தித்​தொடர்​பாளர் குவோ ஜியாகுன் கூறும்​போது, “விண்வெளியைப் போர்க்​கள​மாக மாற்​றக்​கூ​டாது. அமெரிக்​கா​வின் நடவடிக்​கை​யால் விண்​வெளி​யில் ஆயுதங்​கள் குவிக்​கப்​படும் அபா​யம் உருவாகும்” என்று தெரி​வித்​துள்ளார். அதே போல, ரஷ்ய அதிபர் மாளிகை செய்​தித் தொடர்​பாளர் திமித்ரி பெஸ்​கோவ் கூறும்​போது, “விண்​வெளி​யில் எந்​தவொரு ஆயுத​மும் இருக்​கக்​கூ​டாது. இது தொடர்​பாக சர்​வ​தேச நாடு​களிடம் கருத்​தொற்றுமையை ஏற்​படுத்த ரஷ்யா தீவிர முயற்சி செய்து வருகிறது” என்று தெரி​வித்​துள்ளார். எனினும், அமெரிக்காவின் இந்த கருத்து உலக நாடுகளிடையே பெரும் கலக்கத்தை ஏற்படுத்தியுள்ளன.