Polimer News · 14 Sept, 17:11

டைனோசர் காலத்தில் பூமியில் வாழ்ந்த டெரோசார் அறிவியல் அருங்காட்சியகம் வடமேற்கு சீனாவில் திறப்பு

டைனோசர்கள் வாழ்ந்த காலத்திலேயே பூமியில் வாழ்ந்து, தற்போது அழிந்துவிட்ட பறக்கும் ஊர்வன ((Flying Reptiles)) உயிரினமான டெரோசார் ((Pterosaur)) தொடர்பான அறிவியல் அருங்காட்சியகம் வடமேற்கு சீனாவின் ஜின்ஜியாங் உய்குர் தன்னாட்சிப் பகுதியில் திறக்கப்பட்டது.

டெரோசார் புதைபடிவங்கள் கண்டெடுக்கப்பட்ட இடத்தில் சுமார் 4,600 சதுர மீட்டர் பரப்பளவுள்ள கண்காட்சிப் பகுதியைக் கொண்ட ஹமி டெரோசார் அருங்காட்சியகம், ஒன்றன்பின் ஒன்றாக அடுக்கப்பட்ட அமைப்பில் ஆறு நீள்வட்ட வடிவ அரங்குகளைக் கொண்டுள்ளது.

உலகின் முதல் முப்பரிமாணத்தில் பதப்படுத்தப்பட்ட புதைபடிவ டெரோசார் முட்டைகள் மற்றும் அத்துடன் முதன்முறையாகப் பொது மக்கள் பார்வைக்கு பெரிய டெரோசார் மாதிரிகளும் வைக்கப்பட்டுள்ளன.