Dinamalar · 17 Sept, 4:56

Politics

குப்பையை நான்கு வகையாக பிரித்து கொடுங்க! விழிப்புணர்வு ஏற்படுத்துகிறது உத்திரமேரூர் பேரூராட்சி

உத்திரமேரூர்: ''உத்திரமேரூர் பேரூராட்சியில், புதிய திடக்கழிவு மேலாண்மை விதியின்படி, நான்கு வகையாக குப்பையை அக்., 1ம் தேதி முதல் பேரூராட்சி மக்கள் கட்டாயம் தரம் பிரித்து வழங்க வேண்டும்'' என, பேரூராட்சி செயல் அலுவலர் பழனிகுமார் தெரிவித்துள்ளார்.

உத்திரமேரூர் பேரூராட்சியில், 18 வார்டுகள் உள்ளன. இங்கு, 6,594 வீடு மற்றும் வணிக வளாகங்கள் உள்ளன.

இதில், மக்கள் 27 ஆயிரத்து 527 பேர் வசித்து வருகின்றனர்.

உத்திரமேரூரில் சேகரிக்கப்படும் கழிவுகளை பேரூராட்சி துாய்மை பணியாளர்கள், ஈரக் கழிவுகள், உலர் கழிவுகள், சுகாதாரக் கழிவுகள் மற்றும் தனி கவனம் தேவைப்படும் கழிவுகள் என பிரித்து, நுண்ணுற செயலாக்க மையங்களுக்கு எடுத்துச் சென்று உரமாகவும், மட்காத கழிவுகளை வள மீட்பு மையங்களுக்கும் எடுத்துச் செல்கின்றனர்.

மட்காத கழிவுகளிலிருந்து பிளாஸ்டிக் கழிவுகளை தனியாக பிரித்து, மறுசுழற்சி முறையில் பிளாஸ்டிக் பொருட்கள் தயாரிக்கும் தனியார் நிறுவனங்களுக்கு விற்பனை செய்யப்படுகிறது.

சமீபத்தில் வெளியான திடக்கழிவு மேலாண்மை விதியின்படி, பொதுமக்கள் திடக்கழிவுகளை நான்கு வகையாக பிரித்து தர வேண்டும்.

அதன்படி, பச்சை நிற தொட்டி, நீல நிற தொட்டி, சிவப்பு நிற தொட்டி, கருப்பு நிற தொட்டிகளுக்கு ஏற்றவாறு தனித்தனியாக தரம் பிரித்து துாய்மை பணியாளர்களிடம் வழங்க வேண்டும்.

எனவே, உத்திரமேரூர் பேரூராட்சியை துாய்மையான பேரூராட்சியாக உருவாக்கிட, புதிய திடக்கழிவு மேலாண்மை விதியின்படி, அக்., 1ம் தேதி முதல், வீடு மற்றும் வணிக வளாகங்களில் உருவாகும் கழிவுளை நான்கு வகையாக மக்கள் கட்டாயம் தரம் பிரித்து, துாய்மை பணியாளர்களிடம் வழங்க வேண்டும் என, உத்திரமேரூர் பேரூராட்சி செயல் அலுவலர் பழனிகுமார் தெரிவித்துள்ளார்.

காய்கறி, உணவு, இறைச்சி கழிவுகள், வீணான உணவுப் பொருட்கள், முட்டை ஓடுகள், தேயிலை துாள், பூக்கள்.

பிளாஸ்டிக் கவர்கள், கண்ணாடி துண்டு, ரப்பர், மரம், டயர், உலோகம், தண்ணீர் பாட்டில்கள், கொட்டாங்குச்சி, பாலித்தீன் கழிவுகள், காகிதம்.

3. சிவப்பு நிற தொட்டியில் சுகாதார கழிவுகள்

டயப்பர்கள், சானிட்டரி பேடு, பேம்பர்ஸ், ஆணுறைகள், வீட்டில் சிகிச்சைக்கு பயன்படுத்திய மருத்துவ கழிவுகள்.

4. கருப்பு நிற தொட்டியில் சிறப்பு பராமரிப்பு கழிவுகள்

மின் விளக்குகள், பெயின்ட் டப்பாக்கள், பாதரச வெப்பமானிகள், மருத்துவ பாட்டில்கள், பேட்டரிகள், இ - வேஸ்ட்.