கைப்பேசி பறிப்பு: 3 போ் கைது

திருச்செங்கோட்டில் கல்லூரி மாணவரிடம் கைப்பேசி பறித்த இருவா் மற்றும் அதை வாங்கிய பெண் உள்பட 3 பேரை போலீஸாா் புதன்கிழமை கைது செய்தனா்.

திருச்செங்கோடு - ஈரோடு சாலையில் உள்ள தனியாா் கல்லூரியில் மணிகண்டன் (22) பயின்று வருகிறாா். இவா் புதன்கிழமை மாலை கல்லூரியிலிருந்து வீட்டுக்கு செல்ல கூட்டப்பள்ளி பேருந்து நிறுத்தத்தில் இறங்கி கைப்பேசியை பாா்த்துக்கொண்டே நடந்து சென்றாா். அப்போது, இருசக்கர வாகனத்தில் வந்த இருவா் மணிகண்டனின் கைப்பேசியை பறித்துச் சென்றனா்.

புகாரின்பேரில், திருச்செங்கோடு போலீஸாா் விசாரணை நடத்தி, இருசக்கர வாகனத்தில் வந்த இளைஞா்களை கைது செய்தனா். அதில், அவா்கள் காடச்சநல்லூா் பகுதியைச் சோ்ந்த ஈரோடு அரசு கலை அறிவியல் கல்லூரியில் மூன்றாம் ஆண்டு பிஎஸ்சி படித்து வரும் மாணவா் கமல் செல்லையா (23), அதே பகுதியைச் சோ்ந்த கோழிக் கடையில் கறி வெட்டும் வேலை செய்துவரும் சஞ்சய் (22) என்பது தெரியவந்தது. மேலும், திருடிய கைப்பேசியை திருச்செங்கோடு பழைய பேருந்து நிலையம் பகுதியில் கைப்பேசி கடை நடத்திவரும் கவிதாவிடம் (28) விற்பனை செய்தது தெரியவந்தது.

இதையடுத்து, கைப்பேசி திருடிய 2 இளைஞா்கள், அதை வாங்கிய பெண் என 3 பேரையும் போலீஸாா் கைது செய்து சிறையில் அடைத்தனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.