Polimer News · 5 Sept, 8:56

ஒகேனக்கல் காவிரியில் நீர்வரத்து குறைவு: குளிக்க அனுமதி, பரிசல் இயக்க தடை தொடர்கிறது

ஒகேனக்கல் காவிரி ஆற்றில் நீர்வரத்து வினாடிக்கு 8,500 கன அடியாக குறைந்தது. குளிக்க அனுமதி அளிக்கப்பட்டுள்ள நிலையில், பரிசல் இயக்க தடை தொடர்கிறது. மேட்டூர் அணைக்கும் நீர்வரத்து குறைந்துள்ளது.

ஒகேனக்கல் காவிரி ஆற்றில் நேற்று மாலை வினாடிக்கு 9,000 கன அடியாக இருந்த நீர்வரத்து, இன்று காலை 6 மணி நிலவரப்படி 8,500 கன அடியாக குறைந்துள்ளது.

ஒகேனக்கல் காவிரி ஆற்றில் சுற்றுலாப் பயணிகள் குளிக்க அனுமதி அளிக்கப்பட்டு வருகிறது . அதேவேளையில், பாதுகாப்பு காரணங்களுக்காக பரிசல் இயக்கத்திற்கான தடை தொடர்ந்து நீடிக்கிறது.

மேட்டூர் அணைக்கான நீர்வரத்திலும் சரிவு ஏற்பட்டுள்ளது. இன்று காலை நிலவரப்படி அணைக்கு வரும் நீர்வரத்து வினாடிக்கு 8,195 கன அடியாக குறைந்துள்ளது.

மேட்டூர் அணையின் நீர்வரத்து குறைந்து வரும் நிலையில், காவிரி டெல்டா பாசனத் தேவைக்காக அணையில் இருந்து தொடர்ந்து தண்ணீர் திறக்கப்பட்டு வருகிறது.

டெல்டா பாசனத்திற்காக 7,000 கன அடி நீர் திறப்பு

காவிரி டெல்டா பாசனத்திற்காக மேட்டூர் அணையில் இருந்து வினாடிக்கு 7,000 கன அடி வீதம் தண்ணீர் திறக்கப்பட்டு வருகிறது.