அஜித் கொடுத்த அட்வான்ஸ் கிஃப்ட்; ஆதிக் ரவிச்சந்திரன் நெகிழ்ச்சி!

‘குட் பேட் அக்லி’ படத்தை தொடர்ந்து அஜித் இரண்டு படங்களை தற்போது கைவசம் வைத்துள்ளார். இதில் முதலாவதாக அவரது ரேஸ் தொடர்பான ‘கிளாடியேட்டர்ஸ்’ எனும் ஆவணப்படம் உருவாகிறது. ஏ.எல்.விஜய் இயக்கி வரும் இப்படம் நவம்பரில் வெளியாகவுள்ளது. இதையடுத்து மீண்டும் ஆதிக் ரவிச்சந்திரன் இயக்கத்தில் ‘டேர் டெவில்’ படத்தில் நடிக்கவுள்ளார். இப்படத்தை ‘பிரேவ் ஹார்ட்ஸ்’ புரொடக்ஷன் எனும் பேனரில் ஷாலினி அஜித்குமார் தயாரிக்கிறார். அனிருத் இசையமைக்கிறார்.

இப்படத்தின் படப்பிடிப்பு இன்னும் தொடங்கப்படாமல் இருக்கிறது. காரணம் அஜித் தற்போது கார் ரேஸில் பிஸியாக இருப்பதால் தேதிகள் ஒதுக்குவதில் சிக்கல் ஏற்பட்டுள்ளதாக கூறப்படுகிறது. இதனால் எப்போது தொடங்கும் என்ற எதிர்பார்ப்பு அஜித் ரசிகர்கள் மத்தியில் நிலவி வர தற்போது அதற்கு விடை கிடைத்துள்ளது. அதன் படி படப்பிடிப்பு நவம்பரில் தொடங்கவுள்ளதாக புதிய போஸ்டர் வெளியிடப்பட்டுள்ளது.

இந்த அறிவிப்பு இயக்குநர் ஆதிக் ரவிச்சந்திரன் பிறந்தநாளை முன்னிட்டு வெளியிடப்பட்டுள்ளது. இன்று அவர் பிறந்தநாள் கொண்டாடப்படும் நிலையில் நேற்று இரவு அவர் வெளியிட்டுள்ள எக்ஸ் பதிவில், “என்னுடைய சார்(அஜித்) எனக்கு கொடுத்த அட்வான்ஸ் பிறந்தநாள் பரிசு. ஆமாம், நாங்கள் நவம்பர் 2ஆம் தேதி முதல் படப்பிடிப்பை தொடங்குகிறோம்” எனக் குறிப்பிட்டு மகிழ்ச்சியடைந்துள்ளார். முன்னதாக இப்படம் அறிவித்த உடனே படப்பிடிப்பு தொடங்கிவிடும் என ஆதிக் ரவிச்சந்திரன் கூறினார். ஆனால் படம் கடந்த மாதம் 3ஆம் தேதி அறிவித்த பின்பும் ஒரு மாதத்திற்கு மேலாகியும் தொடங்கப்படாமல் இரண்டு மாதம் கழித்து தற்போது தொடங்குகிறது. ஒரு வழியாக கார் ரேஸிற்கு நடுவே படப்பிடிப்பில் அஜித் நடிக்கவுள்ளது அவரது ரசிகர்களை மகிழ்ச்சியடையச் செய்துள்ளது.

My Sir’s Advance Birthday Gift to me❤️🔥🙏🏻

Yes we are rolling the dice from November 2💥 #AK sir’s #DareDevil ❤️🔥 🎲#Shalini mam @Braveheartsprod@anirudhofficial sir @SureshChandraa sir @AbinandhanR@editorvijay@supremesundar#Subbhunaarayan@itsanuvardhan@kayoas13… pic.twitter.com/jpeh036dWS